ଯାଜପୁର ରୋଡ଼ ଥାନା ଗୋଶାଳା ଛକ ନିକଟରେ ଯୁବକଙ୍କୁ ଛୁରାମାଡ।
ଯାଜପୁର ରୋଡ଼ ଥାନା ଗୋଶାଳା ଛକ ନିକଟରେ ଯୁବକଙ୍କୁ ଛୁରାମାଡ। ଗୁରୁତର ଅବସ୍ଥାରେ ଯୁବକଙ୍କୁ କଟକ ବଡ଼ ମେଡ଼ିକାଲକୁ ସ୍ଥାନାନ୍ତର କରାଯାଇଛି। ଗୁରୁତର ଆହତ ଯୁବକ ସ୍ଥାନୀୟ ମାର୍ଥାପୁର ଅଞ୍ଚଳର ହରିହର ସେଠୀ ବୋଲି ଜଣାପଡିଛି ।
ପୂର୍ବ ଶତ୍ରୁତାକୁ କେନ୍ଦ୍ରକରି ଏହି ଛୁରାମାଡ ହୋଇଥିବା ସୂଚନା ମିଳିଛି। ତେବେ ଛୁରାମାଡ କରିଥିବା ଯୁବକ ସ୍ଥାନୀୟ ନେଳିବାରୀ ଅଞ୍ଚଳର ଦୀପକ ବଟ୍ଟ ହୋଇଥିବା ବେଳେ ତାଙ୍କୁ ପୋଲିସ ଅଟକ ରଖି ପଚରାଉଚରା କରୁଛି। ସୂଚନା ମୁତାବକ ମାର୍ଥାପୁର ଗ୍ରାମର ହରିହର ସେଠୀ ଓ ଛୁରାମାଡ କରିଥିବା ଦୀପକ ଙ୍କ ବଡ଼ ଭାଇ ଏକ ଘରୋଇ ବୀମା କମ୍ପାନୀରେ କାମ କରନ୍ତି। କିଛିଦିନ ପୂର୍ବରୁ କୌଣସି କାରଣରୁ ଉଭୟଙ୍କ ମଧ୍ୟରେ ବିବାଦ ଦେଖାଦେଇଥିଲା। ତେବେ ଆଜି ସନ୍ଧ୍ୟାରେ ହରିହର ଗୋଶାଳା ଛକ ନିକଟରେ ଠିଆ ହୋଇଥିବା ସମୟରେ ଦୀପକ ତାଙ୍କ ଉପରେ ଏକ ଛୁରୀରେ ଅତର୍କିତ ଆକ୍ରମଣ କରିଥିଲେ।
