ସ୍ବେଚ୍ଛାସେବୀ ଅନୁଷ୍ଠାନ ଉଦୀୟମାନ ପକ୍ଷରୁ ବନମହୋସବ ସପ୍ତାହ ପାଳିତ

ବଡଚଣା (ସଙ୍କେତ ଖବର): ପ୍ରତି ବର୍ଷ ପରି ଚଳିତ ବର୍ଷ ଯାଜପୁର ଜିଲ୍ଲାର ଅଗ୍ରଣୀ ସ୍ବେଚ୍ଛାସେବୀ ଅନୁଷ୍ଠାନ ଉଦୀୟମାନ ପକ୍ଷରୁ ବନମହୋସବ ସପ୍ତାହ ଆଜି ବଡଚଣା ବ୍ଲକ ସିହା ପଂଚାୟତର ଭଗବତୀ ଉଚ୍ଚ ବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି। ଏହି ଅବସରରେ ବ୍ୟାପକ ଫଳ ଫୁଲ ଓ ଔଷଧୀୟ ଚାରାଗଛ ମାନ ରୋପଣ କରାଯାଇଅଛି । ଏହି କାର୍ଯ୍ୟକ୍ରମକୁ ଜାରକା ରୋଟାରୀ ଇନର ହୁଇଲର ସଭାନେତ୍ରୀ ରଶ୍ମିତା ନାୟକ ଆନୁଷ୍ଠାନିକ ଭାବେ ଚାରାଗଛ ରୋପଣ କରି ଉଦଘାଟନ କରିଥିଲେ ।

ପରେ ବିଦ୍ୟଳୟର ପ୍ରାଣପ୍ରତିଷ୍ଠାତା ବସନ୍ତ କୁମାର ରାଉତଙ୍କ ଅଧ୍ୟକ୍ଷତାରେ ଏକ ସଚେତନତା ସଭା ଅନୁଷ୍ଠିତ ହୋଇଥିଲା । ଏଥିରେ ମୁଖ୍ୟ ଅତିଥି ଭାବେ ରାଜ୍ୟ କ୍ରସର ମାଲିକ ସଭାପତି ତଥା ଯୁବ ସମାଜକର୍ମୀ ରୋଟାରିଆନ ଚନ୍ଦନ କୁମାର ନାୟକ,ମୁଖ୍ଯବକ୍ତା ଅବସରପ୍ରାପ୍ତ ପ୍ରଧାନଶିକ୍ଷକ କୃଷ୍ଣଚନ୍ଦ୍ର ମହାରଣା,ସମ୍ମାନିତ ଅତିଥି ଭାବେ ପ୍ରାକ୍ତନ ପ୍ରଧାନ ଶିକ୍ଷକ ଦେବେନ୍ଦ୍ର ନାଥ ସାହୁ,ଉଦୀୟମାନର ଉପଦେଷ୍ଟା ଅନନ୍ତ ପ୍ରସାଦ ମାହାଲା ପ୍ରମୁଖ ବନମହୋସବ ସପ୍ତାହ ବିଷୟରେ ମତ ରଖିଥିଲେ । ବିଦ୍ୟାଳୟର ପ୍ରଧାନ ଶିକ୍ଷକ ରମେଶ ଚନ୍ଦ୍ର ସାହୁ ଏବଂ ବିଜ୍ଞାନ ଶିକ୍ଷକ ମଦନମୋହନ ସେଠି ବର୍ତ୍ତମାନ ସମୟର ପରିବେଶର ଅସନ୍ତୁଳିତ ହେଉଛି। ଏଥି ସହିତ କରୋନା ଭଳି ମହାମାରୀକୁ ରୋକିବା ଓ ବାରମ୍ବାର ପ୍ରାକୃତିକ ବିପର୍ଯ୍ୟୟକୁ ରୋକିବା ପାଇଁ ପରିବେଶ ସୁରକ୍ଷା ର ଆବଶ୍ୟକତା ରହିଛି ବୋଲି ମତ ଦେଇଥିଲେ।

ଏହି ସଚେତନତା ସଭାରେ ଉଦୀୟମାନର ସଭାପତି ଅବିନାଶ ଜେନା ସ୍ଵାଗତ ଭାଷଣ ଶିକ୍ଷକ ପ୍ରଶାନ୍ତ କୁମାର ବେହେରା ଅତିଥି ମାନଙ୍କ ପରିଚୟ ପ୍ରଦାନ କରିଥିବାବେଳେ କାର୍ତ୍ତିକ ଚନ୍ଦ୍ର ଜେନା ଧନ୍ୟବାଦ ଅର୍ପଣ କରିଥିଲେ ।

ଏହି କାର୍ଯ୍ୟକ୍ରମକୁ ସଭ୍ଯ ସଭ୍ଯା ଶିକ୍ଷକ ତଥା ଉଦୀୟମାନ ଜୁନିଅର ମହିଳା କ୍ଲବର ସମ୍ପାଦକା ଜୋସ୍ନା ରଣୀ ବେହେରା ସହ ସଂପାଦିକା ପିଙ୍କି ସାହୁ ପ୍ରମୁଖ ସୂଚାରୁ ରୂପେ ପରିଚାଳନା କରିବା ସହିତ ବିଦ୍ୟାଳୟ ପରିସରରେ ଚାରାଗଛ ରୋପଣ କରିଥିଲେ । ଏହି ବନମହୋସବ ସପ୍ତାହ ସାତଦିନ ଧରି ପାଳନ କରିବା ସହିତ ଆଜିଠାରୁ ନଭେମ୍ବର ୧୪ ତାରିଖ ପର୍ଯ୍ୟନ୍ତ ବିଭିନ୍ନ ବିଦ୍ୟାଳୟ ମହାବିଦ୍ୟାଳୟ ମଠ ମନ୍ଦିର ରାସ୍ତା କଡ ମାନଙ୍କରେ ଚାରାଗଛ ମାନ ରୋପଣ କରାଯିବ ବୋଲି ଅନୁଷ୍ଠାନର ସଂପାଦକ ଅନିଲ କୁମାର ଦାସ ପ୍ରକାଶ କରିଛନ୍ତି ।