ଯାଜପୁର ଜିଲ୍ଲାବାସୀ ଙ୍କୁ ଜିଲାପାଳ ଙ୍କ ନିବେଦନ।
ଯାଜପୁର(ସଂକେତ ଖବର)
କୋରୋନା ଯୋଦ୍ଧାଙ୍କ କାର୍ଯ୍ୟକୁ ସମ୍ମାନ ଜଣାଇବା ସହିତ ସେମାନଙ୍କୁ ଉତ୍ସାହିତ କରିବା ଉଦ୍ଧେଶ୍ୟରେ ଆସନ୍ତାକାଲି ସଂଧ୍ୟା ୫.୩୦ ମିନିଟ୍ରେ ସମସ୍ତଙ୍କୁ ବନ୍ଦେ ଉତ୍କଳ ଜନନୀ ଗାନ କରିବାକୁ ମୁଖ୍ୟମନ୍ତ୍ରୀ ନିବେଦନ କରିଛନ୍ତି । ଏହି ଅବସରରେ ଯାଜପୁର ଜିଲାରେ ଏହାକୁ ସରକାରୀ ଭାବେ ପାଳନ କରିବାକୁ
ସମସ୍ତ ପ୍ରକାର ବ୍ୟବସ୍ଥା କରିଛି ପ୍ରଶାସନ । ଜିଲାର ପ୍ରମୁଖ ଛକ ବଜାରରେ ଏହି କାର୍ଯ୍ୟକ୍ରମ ଅନୁଷ୍ଠିତ ହେବ । ଏଥିସହିତ ଜିଲାର କୋଭିଡ ହସ୍ପିଟାଲର ଡାକ୍ତର ଓ ମେଡିକାଲ କର୍ମଚାରୀଙ୍କୁ ଉତ୍ସାହିତ କରିବା ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି ।
ତେଣୁ ପ୍ରତ୍ୟେକ ବ୍ୟକ୍ତି ଏଭଳି ଏକ କାର୍ଯ୍ୟକ୍ରମରେ ସାମିଲ ହେବାକୁ ନିବେଦନ କରିଛନ୍ତି ଯାଜପୁର ଜିଲାପାଳ ରଂଜନ କୁମାର ଦାସ । କୋରୋନା ମହାମାରି ବିରୋଧରେ ହେଉଥିବା ଲଢ଼େଇରେ ଯୋଦ୍ଧା ମାନଙ୍କୁ ଟିକେ ସମ୍ମାନ ଜଣାଇବା ପାଇଁ ସମସ୍ତଙ୍କୁ ବନ୍ଦେ ଉତ୍କଳ ଜନନୀ ଗାନ କରିବାକୁ ଅନୁରୋଧ କରିଛନ୍ତି ଜିଲାପାଳ ।
