ବିଜେପିରେ ମିଶିଲେ ପୂର୍ବତନ ମନ୍ତ୍ରୀ ତଥା ବିଜେଡ଼ି ନେତ୍ରୀ ଅଞ୍ଜଳି ବେହେରା
ଭୁବନେଶ୍ୱର (ସଙ୍କେତ ଖବର): ବିଜେପିରେ ମିଶିଲେ ପୂର୍ବତନ ମନ୍ତ୍ରୀ ତଥା ବିଜେଡ଼ି ନେତ୍ରୀ ଅଞ୍ଜଳି ବେହେରା । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଉପସ୍ଥିତିରେ ଆଜି ରାଜ୍ୟ ବିଜେପି କାର୍ଯ୍ୟାଳୟରେ ଆୟୋଜିତ ମିଶ୍ରଣ ପର୍ବରେ ଢେଙ୍କାନାଳ ଜିଲ୍ଲାର ସହ ଶ୍ରାଧିକ କର୍ମୀଙ୍କ ସହ ବିଜେପିରେ ମିଶିଲେ ଅଞ୍ଜଳି । ଏହାସହ ପୂର୍ବତନ କଂଗ୍ରେସ ବିଧାୟକ ପ୍ରାର୍ଥୀ ସନ୍ତୋଷ ରାଉତ ମଧ୍ୟ ବିଜେପିରେ ମିଶିଛନ୍ତି । ପୁରୀ, ଢେଙ୍କାନାଳ ଓ ଅନୁଗୁଳ ଜିଲ୍ଲାରରୁ ବିଜେଡ଼ି ଓ କଂଗ୍ରେସର ଦୁଇ ହଜାରରୁ ଅଧିକ କର୍ମୀ ବିଜେପିରେ ଯୋଗ ଦେଇଛନ୍ତି ।
ବିଜେପିରେ ଯୋଗଦେବା ପରେ ଅଞ୍ଜଳୀ ବେହେରା କହିଛନ୍ତି, ତାଙ୍କୁ ବିଜେପିର ନେତୃତ୍ୱ ଓ ବିଚାରଧାରା ବିଜେପି ରେ ସାମିଲ ହେବାକୁ ଉତ୍ସାହିତ କରିଥିଲା। ତାଛଡା ଯେଉଁ ରାଜନୈତିକ ଦଳ ସହିତ ସେ ଓ ତାଙ୍କର ପରିବାର ଥିଲେ ସେ ଦଳ ତାଙ୍କୁ ଅଣଦେଖା କଲା।ତେଣୁ ବିଜେଡି ଛାଡ଼ି ବିଜେପି ରେ ସାମିଲ ହୋଇଥିବା କହିଛନ୍ତି ।ଆଗକୁ ସବୁ ନେତା ତଥା କର୍ମୀ ବିଜୁ ଜନତା ଦଳକୁ ଉଚିତ ଜବାଵ ଦେବେ ବୋଲି କହିଛନ୍ତି।
