ରାଜ୍ୟରେ ବିଜେଡି ବିଜେପି ଲୋକଦେଖାଣିଆ କଳି,କେନ୍ଦ୍ରରେ କୋଳାକୋଳି:ନିରଂଜନ ପଟ୍ଟନାୟକ
ରାଜ୍ୟରେ ବିଜେଡି ବିଜେପି ଲୋକଦେଖାଣିଆ କଳି,କେନ୍ଦ୍ରରେ କୋଳାକୋଳି:ନିରଂଜନ ପଟ୍ଟନାୟକ
ଯାଜପୁର (ସଂକେତ ଖବର ବ୍ୟୁରୋ)
ଦିର୍ଘ ୧୮ବର୍ଷର ଶାସନ ଭିତରେ ନବୀନ ପଟନାୟକ ଓଡ଼ିଶାର ସମୁହ ସ୍ୱାର୍ଥକୁ ଜଳାଞ୍ଜଳି ଦେଇ ବିଜୁଜନତା ଦଳକୁ ଉପରକୁ ଉଠାଇଛନ୍ତି । ଓଡ଼ିଶାରେ ବେକାରୀ ସମସ୍ୟା ବହୁ ପରିମାଣରେ ବଢ଼ି ଚାଲିଥିବାବେଳେ ନବୀନ ପଟନାୟକ ନିଜସ୍ୱସ୍ୱାର୍ଥ ପାଇଁ ବିଜୁ ଯୁବ ବାହିନୀ ଗଠନ କରି ସରକାରୀ ରାଜସ୍ୱ ଅପଚୟ କରି ଗଣତନ୍ତ୍ରକୁ ଧ୍ୱଂସ କରିଛନ୍ତି । ରାଜ୍ୟରେ ୧ଲକ୍ଷ ୮୦ହଜାର ରୁ ଉଦ୍ଧ୍ୱ ର୍ଶିକ୍ଷିତ ବେକାର ଯୁବକ ଯୁବତୀ ନିଯୁକ୍ତି ପାଇଁ ଅପେକ୍ଷା କରି ବସିଥିବା ବେଳେ ସେମାନଙ୍କୁ ନିଯୁକ୍ତି ଦେବାରେ ବିଜେଡ଼ି ସରକାର ଅସମର୍ଥ ହୋଇପଡିଛନ୍ତି । ଓଡ଼ିଶାରେ ନଦୀ ନାଳଗୁଡ଼ିକର ସୁରକ୍ଷାକୁ ଏଡ଼ାଇ ଦେଇ ଓଡ଼ିଶାବାସୀଙ୍କୁ ଆହୁରୀ ଦରିଦ୍ର କରିଦେବା ଲକ୍ଷ୍ୟରେ ନବୀନ ସରକାର ରହିଥିବା କଂଗ୍ରେସ ର ରାଜ୍ୟସଭାପତି ନିରଞ୍ଜନ ପଟନାୟକ ଶନିବାର ଦିନ ଏକ ସାମ୍ବାଦିକ ସମ୍ମିଳନୀରେ ଅଭିଯୋଗ କରିଛନ୍ତି । ପିସିସି ଆହ୍ୱାନ କ୍ରମେ ଯାଜପୁର ଜିଲା କଂଗ୍ରେସ କମିଟି ପକ୍ଷରୁ ଯାଜପୁର ରେ କେନ୍ଦ୍ର ଓ ରାଜ୍ୟ ସରକାରଙ୍କର ମହାଦୁର୍ନିତି ପ୍ରତିବାଦ ସଭା ଓ ଶୋଭାଯାତ୍ରା ସହିତ ମାନ୍ୟବର ରାଷ୍ଟ୍ରପତିଙ୍କ ଉଦେ୍ଧଶ୍ୟରେ ସ୍ମାରକପତ୍ର ପ୍ରଦାନ କରାଯାଇଛି । ଜିଲା କଂଗ୍ରେସ ସଭାପତି ମନୋଜରାଉତ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଶୋଭାଯାତ୍ରାରେ ଜିଲାର ବିଭିନ୍ନ ଅଂଚଳରୁ ଅନ୍ୟୁନ ୫ହଜାରରୁ ଉଦ୍ଧ୍ୱର୍କଂଗ୍ରେସ କର୍ମିମାନେ ଯୋଗ ଦେଇଥିଲେ । ଗାନ୍ଧି ଛକ ଠାରେ ଗାନ୍ଧିଙ୍କ ପ୍ରତିମୂତିରେ ପୁଷ୍ପମାଲ୍ୟ ଅର୍ପଣ କରାଯାଇ ସେଠାରେ ପ୍ରତିବାଦ ସଭା ଅନୁଷ୍ଠିତହୋଇଥିଲା । ଜିଲାସଭାପତି ଶ୍ରୀରାଉତଙ୍କ ଅଧ୍ୟକ୍ଷତାରେ ଅନୁଷ୍ଠିତଏହି ସଭାରେଏଆଇସିସି ସମ୍ପାଦକ ରାମଚନ୍ଦ୍ରଖୁଂଟିଆ ଉଦ୍ବୋଧନ ଦେଇ କହିଥିଲେ ଯେ ମୋଦି ସରକାରଙ୍କ ରାଫେଲ ଯୁଦ୍ଧ ବିମାନ କିଣାରେ ଦୁର୍ନିତି ଉପରେ ବିଶଦ ଭାବେସୂଚନା ଦେଇଥିଲେଏବଂ ନବୀନ ସରକାରଙ୍କ ବିଜେପି ପ୍ରୀତି ତଥା ଓଡ଼ିଶାର ବିଭିନ୍ନ ବିଭାଗରେ ହେଉଥିବା ଦୁର୍ନିତିକୁ ଆଖିବୁଜି ଦେଇଥିବା ଅଭିଯୋଗରେ ଦର୍ଶାଇଥିଲେ । କଂଗ୍ରେସର ଓଡ଼ିଶା ପ୍ରଭାରୀ ରୁଦ୍ର ରାଜୁ, ଏଆଇସିସି ସମ୍ପାଦକ ଶରତ ରାଉତ, ରାଜ୍ୟ ପିସିସି ଉପସଭାପତି ଚିରଞ୍ଜିବି ବିଶ୍ୱାଳ ପ୍ରମୁଖଯୋଗ ଦେଇ ଉଦ୍ବୋଧନ ଦେଇଥିଲେ । ଅନ୍ୟମାନଙ୍କ ମଧ୍ୟରେ ପୁର୍ବତନ ମନ୍ତ୍ରୀ ସୀତାକାନ୍ତ ମହାପାତ୍ର, ପୁର୍ବତନ ଜିଲା କଂଗ୍ରେସ ସଭାପତି ଶିଶିର ନାୟକ, ଶ୍ରୀନାଥ ମିଶ୍ର, ବଳଭଦ୍ର ଦାସ, ନାରାୟଣ ଚନ୍ଦ୍ରସାମନ୍ତ, ବନ୍ଦିତା ପରିଡ଼ା, ହୃଦାନନ୍ଦ ସାମଲ, କନକଲତା ମଲିକ, , ପୁଲିନ୍ ପୁହାଣ, ସଂଗ୍ରାମଜେନା, ଅକ୍ଷୟ ଶତପଥି ପ୍ରମୁଖ ନେତୃବୃନ୍ଦ ମାନେ ଉପସ୍ଥିତ ଥିବା ବେଳେ ଶେଷରେ ସନ୍ତୋଷ ନନ୍ଦ ଧନ୍ୟବାଦ ଦେଇଥିଲେ । ବଳଭଦ୍ର ଦାସଙ୍କ ନେତୃତ୍ୱରେ ଏକ ପ୍ରତିନିଧି ଦଳ ଜିଲା ପ୍ରଶାସନ ଜରୀଆରେ ରାଷ୍ଟ୍ରପତିଙ୍କ ଉଦେ୍ଧଶ୍ୟରେ ଏକ ସ୍ମାରକପତ୍ର ପ୍ରଦାନ କରିଥିଲେ । ଅପରାହ୍ନରେ ସର୍କିଟହାଉସ ରେ ଏକ ସାମ୍ବାଦିକ ସମ୍ମିଳନୀ ପ୍ରଦେଶ କଂଗ୍ରେସ କମିଟି ସଭାପତି ନିରଞ୍ଜନ ପଟନାୟକ ରାଫେଲ ଦୁର୍ନିତି ଏହି ଶତାଦ୍ଧି ର ସବୁଠାରୁ ବଡ଼ ଦୁର୍ନିତି ବୋଲି ପ୍ରକାଶକରିଥିଲେ । ସୁନାବେଢ଼ାରେ ଥିବା ହାଲରେ ଏହି ଯୁଦ୍ଧ ବିମାନ ତିଆରି କରାଯାଇଥିଲେ ଓଡ଼ିଶାର ବହୁ ଶିକ୍ଷିତ ଯୁବକମାନେ କର୍ମନିଯୁକ୍ତି ପାଇପାରିଥାନ୍ତେ ବୋଲି ପ୍ରକାଶ କରିଥିଲେ । ଓଡ଼ିଶା ସରକାରଙ୍କର ନଦୀନାଳ ଯୋଜନାରେ, ଚାରାରୋପଣ, ସମବାୟ, ଓମ୍ଫେଡ଼ ଓ ସ୍ୱାସ୍ଥ୍ୟ ବିଭାଗରେ ହୋଇଥିବା ଦୁର୍ନିତି ସମ୍ପର୍କରେ ରାଜ୍ୟ ସରକାର ନୀରବ ଥିବା ଦର୍ଶାଇଥିଲେ । ଗୁରୁପ୍ରିୟାସେତୁ ନିର୍ମାଣରେ ୭୪କୋଟି ଟଙ୍କା ହେରଫେର ହୋଇଥିବା ସିଏଜି ରିପୋର୍ଟ ପ୍ରକାଶ କରିଥିବା ନେଇ ଶ୍ରୀ ପଟନାୟକ ସୂଚନା ଦେଇଥିଲେ । ଏହି ସାମ୍ବାଦିକ ସମ୍ମିଳନୀରେ ପିସିସି ଉପସଭାପତି ଚିରଞ୍ଜିବି ବିଶ୍ୱାଳ, ପିସିସି ସମ୍ପାଦକ ଶରତରାଉତ ପ୍ରମୁଖଯୋଗ ଦେଇଥିଲେ ।
ଏହାର ଭିଡିଓ ଦେଖିବା ପାଇଁ ଏଠାରେ କ୍ଲିକ କରନ୍ତୁ ।https://www.facebook.com/sandipt.roy.9/videos/2076958399035020/
କଂଗ୍ରେସର ବିଶାଳ ସମାବେଶ,ଚର୍ଚ୍ଚାରେ ପୁଲିନ ଙ୍କ ୟୁଥ ବ୍ରିଗେଡ ରୋଡ ସୋ
ଯାଜପୁରରେ ଅନୁଷ୍ଠିତ ବିଶାଳ ସମାବେଶରେ ସବୁଠାରୁ ଅଧିକ ଚର୍ଚ୍ଚା ହୋଇଥିଲା ଏଆଇସିସି ସଦସ୍ୟ ପୁଲିନ ପ୍ରକାଶ ପୁହାଣଙ୍କ ରୋଡ ସୋ । କାରଣ ପୁଲିନ ରାମବାଗରୁ ଏକ ବିଶାଳ ଯୁବକଙ୍କ ବାଇକ ରାଲିରେ ଆସିଥିଲେ । ସବା ଆଗରେ ପୁଲିନ ଏକ ଖୋଲା ଜିପରେ ଠିଆ ହୋଇଥିଲେ । 
ପଛରେ ଶହ ଶହ ଯୁବକ ବାଇକ ରାଲିରେ ଆସି ସମଗ୍ର ଯାଜପୁର ସହର ପରିକ୍ରମା କରିଥିଲେ । ପୁଲିନ ଭାଇ ଜିନ୍ଦାବାଦ ଧ୍ୱନିରେ ପୁରା ସହର ପାଂଟି ପଡିଥିଲା । ଯାହାକୁ ନେଇ ଖୁବ ଚର୍ଚ୍ଚା ହୋଇଥିଲା ।
