ବିଂଝାରପୁର ଥାନା ବିରୋଧରେ ଆସିଛି ପକ୍ଷପାତିତାର ଅଭିଯୋଗ

ଯାଜପୁର (ସଙ୍କେତ ଖବର): ବିଂଝାରପୁର ଥାନା ବିରୋଧରେ ଆସିଛି ପକ୍ଷପାତିତାର ଅଭିଯୋଗ । ଥାନାର ଏସଆଇ କଣ୍ଡୁରି ଚରଣ ଦାସଙ୍କ ବିରୋଧରେ ଏଭଳି ଅଭିଯୋଗ ଆସିଛି । ଅଭିଯୋଗ ଆଣିଛନ୍ତି ନଛିପୁର ଗ୍ରାମର ସତ୍ୟମୋହ ସାହୁ । ଅଭିଯୋଗ ମୁତାବକ ସତ୍ୟମୋହନଙ୍କୁ କେତେକ ବ୍ୟକ୍ତି ଗତ ୧୧ ତାରିଖରେ ଆକ୍ରମଣ କରି ତାଙ୍କ ଠାରୁ ନଗଦ ଟଙ୍କା ଓ ସୁନା ଅଳଙ୍କାର ଲୁଟି ନେଇଥିଲେ ।  ଏ ନେଇ ସେ ଥାନାରେ ଲିଖିତ ଅଭିଯୋଗ କରିଥିଲେ ମଧ୍ୟ ପୋଲିସ କୌଣସି କାର୍ଯ୍ୟାନୁଷ୍ଠାନ ନେଇନଥିଲା । ଓଲଟି ଅଭିଯୁକ୍ତ ଙ୍କ ଠାରୁ ମିଥ୍ୟା ଅଭିଯୋଗ ଗ୍ରହଣ କରି ଅଭିଯୋଗକାରୀ ସତ୍ୟମୋହନଙ୍କୁ ଏସଆଇ ନାନା ଗାଳିଗୁଲଜ କରିଥିବା ଅଭିଯୋଗ ହୋଇଛି ।

ପୋଲିସ ଏସ ଆଇଙ୍କ ବିରୋଧରେ ସେ ଯାଜପୁର ଏସଡିପିଓ ଙ୍କ ସମେତ ପୋଲିସ ଆଇଜି ଙ୍କ ନିକଟରେ ମଧ୍ୟ ଅଭିଯୋଗ କରିଛନ୍ତି । ବିଗତ ଦିନରେ ବିଂଝାରପୁର ପୋଲିସ କେତେକ ବେଆଇନ କାର୍ଯ୍ୟ କରି ସାଧାରଣ ଲୋକଙ୍କ ଆକ୍ରୋଶର ଶିକାର ହେବା ପରେ ମଧ୍ୟ ସୁଧୁରୁନଥିବା ଚର୍ଚ୍ଚା ହେଉଛି । ଏ ନେଇ ଆମେ ଯାଜପୁର ଏସଡିପିଓଙ୍କୁ ଯୋଗାଯୋଗ କରିଥିଲେ ମଧ୍ୟ କୌଣସି ପ୍ରତିକ୍ରିୟା ମିଳିପାରିନହିଁ  ।