ଡଃ ସାମନ୍ତଙ୍କ ସ୍ୱପ୍ନ ପୁରଣ ହେଲେ ସମାଜର ସମସ୍ତ ହିଂସା ଲୋପ ପାଇବ
ଯାଜପୁର(ସଂକେତ ଖବର ବ୍ୟୁରୋ)
ଶିକ୍ଷା ହିଁ ସବୁ ସମସ୍ୟାର ଏକମାତ୍ର ସମାଧାନର ସୁତ୍ର । ଶିକ୍ଷାର ବିକାଶ ହେଲେ ସବୁକ୍ଷେତ୍ରରେ ବିକାଶ ହୋଇପାରିବ । ସେଥିପାଇଁ ସମସ୍ତଙ୍କ ପାଖରେ ଶିକ୍ଷା ପହଂଚିବା ଆବଶ୍ୟକ । ଏଭଳି ଏକ ସ୍ୱପ୍ନ ଦେଖିଛନ୍ତି କିଟ୍ ଓ କିସ୍ ର ପ୍ରତିଷ୍ଠାତା ତଥା ରାଜ୍ୟସଭା ସାଂସଦ ଡଃ ଅଚ୍ୟୁତ ସାମନ୍ତ । ଡଃ ସାମନ୍ତ ଦେଖିଥିବା ଏହି ସ୍ୱପ୍ନ ଦିନେ ପୁରଣ ହେବ । ଏହି ସ୍ୱପ୍ନ କୁ ପୁରଣ କରିବା ପାଇଁ ସମଗ୍ର ଭାରତ ବର୍ଷରେ ସଚେତନତା କାର୍ଯ୍ୟକ୍ରମ ଆୟୋଜନ କରାଯାଉଛି । 
ବୋଲି ମତ ପ୍ରକାଶ ପାଇଛି । ଏହି ଅବସରରେ ଯାଜପୁର ଡିଆରଡିଏ ସମ୍ମିଳନୀ କକ୍ଷରେ କିଟ୍ ଓ କିସ୍ ଆନୁକୁଲ୍ୟରେ ଏଜୁକେଶନ ଫର ଅଲ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ଆଲୋଚନା ଚକ୍ରକୁ ପୂର୍ବତନ ପୌରପାଳ ଭବପ୍ରସାଦ ଦାସ ଉଦ୍ଘାଟନ କରି ଜ୍ଞାନ ମଣିଷକୁ ବିନୟ, ବିଦ୍ୟା, କର୍ମନିଯୁକ୍ତି ଓ ସୁଖ ଦେଇଥାଏ ବୋଲି ମତବ୍ୟକ୍ତ କାରିଥିଲେ । ଆସିଷ୍ଟାଣ୍ଡ୍ ପ୍ରଫେସର ଡଃ ସନ୍ଦୀପ ପଣ୍ଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଆଲୋଚନାଚକ୍ରରେ ଅନ୍ୟତମ ଅତିଥି ଭାବେ ଡି.ଏଲ.ସି ଡଃ ଡି.ଏନ ଲେଙ୍କା, ଏନ.ଆଇ.ଟି ବୈଷୟିକ ନିର୍ଦ୍ଧେଶକ ଡଃ ଆର.ଏନ ବେହେରା, ଜିଲ୍ଲାସ୍କୁଲର ପ୍ରଧାନ ଶିକ୍ଷକ ପ୍ରଫୁଲ କୁମାର ଦେବତା ପ୍ରମୁଖ ଯୋଗ ଦେଇଥିଲେ । ସମାଜରେ ଭଲ ମଣିଷ ସୃଷ୍ଟି କରିବା ଶିକ୍ଷାର ଉଦେଶ୍ୟ, ଆଗାମୀ ଯୁବ ପିଢୀଙ୍କ ପାଇଁ ଡିଜିଟାଲ ଶିକ୍ଷା ଜ୍ଞାନ ଆହୋରଣ କରିବା ଏକାନ୍ତ ଆବଶ୍ୟକତା ରହିଛି ବୋଲି ସୂଚନା ଦେବାସହ ଡଃ ଅଚ୍ୟୁତ ସାମନ୍ତଙ୍କ ଏଭଳି ଭିନ୍ନ ପଦକ୍ଷେପକୁ ପ୍ରସଂସା କରିଥିଲେ । ଏହି କାର୍ଯ୍ୟକ୍ରମରେ ସହରର ବିଭିନ୍ନ ଶିକ୍ଷାନୁଷ୍ଠାନର ଛାତ୍ରଛାତ୍ରି,ବୁଦ୍ଧୁଜିବି ମାନେ ଉପସ୍ଥିତ ଥିଲେ ।
