ଭଉଣୀକୁ ରକ୍ଷାକରିବାକୁ ଯାଇ ନଦୀରେ ଭାସିଗଲା ଭାଈ

0

ଯାଜପୁର:ଭଉଣୀକୁ ରକ୍ଷା କରିବାକୁ ଯାଇ ଭାଇ ନଦୀରେ ଭାସିଯାଇ ନିଖୋଜ । ଏଭଳି ଅଭାବନୀୟ ଘଟଣା ଯାଜପୁର ଜିଲା ବିଂଝାରପୁର ବ୍ଲକ ଯଜ୍ଞପଡିଆ ନିକଟରେ ଘଟିଛି । ନିଖୋଜ ଯୁବକ ହେଲେ କପାସି ଗାଁ ହେମନ୍ତ ଜେନା । ହେମନ୍ତ ର ଭଉଣୀ ଛବି ର ସାମାନ୍ୟ ମାନସିକ ବିକୃତି ଥିଲା । ବିଭିନ୍ନ ସମୟରେ ତାର ଦେହରେ କୌଣସି ପ୍ରେତାତ୍ମା ଆସୁଥିବା ପରିବାର ଲୋକେ ସନ୍ଦେହ କରୁଥିଲେ । ଆଜି ଯଜ୍ଞପଡିଆ ନିକଟରେ ପଡିଥିବା ଯାଦୁଗର ପାଖକୁ ଭଉଣୀ ର ଚିକିତ୍ସା ପାଇଁ ହେମନ୍ତ ନେଇକରି ଯାଉଥିଲେ । ବାଟରେ ଭଉଣୀ ହଠାତ୍ ଦୌଡି ପଳାଇ ଯାଇ ଖରସ୍ରୋତା ନଦୀ ଭିତରକୁ ପଶିଯାଇଥିଲେ । ହେମନ୍ତ ଭଉଣୀକୁ ରକ୍ଷା କରିବାକୁ ଯାଇ ନିଜେ ନଦୀର ପଖର ସ୍ରୋତରେ ଭାସିଯାଇଥିଲେ । ବର୍ତମାନ ଦମକଳ ବିଭାଗର ଧର୍ମଘଟ ଯୋଗୁଁ ଉଦ୍ଧାର କାର‌୍ୟ୍ୟ ହୋଇପାରିନଥିଲା । ଯାହାକୁ ନେଇ ସ୍ଥାନୀୟ ଅଂଚଳରେ ଉତେଜନା ପ୍ରକାଶ ପାଇଥିଲା । ଅଦ୍ୟାବଧି ହେମନ୍ତଙ୍କ କୌଣସି ପତା ମିଳିପାରିନାହିଁ । ସେପଟେ ଛବିକୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ସ୍ଥାନୀୟ ଡାକ୍ତରଖାନାରେ ଭର୍ତି କରାଯାଇଛି ।

Leave a Reply

Your email address will not be published. Required fields are marked *

<p>You cannot copy content of this page</p>