ପୁରୀ ସମୁଦ୍ର ସ୍ନାନ ବେଳେ ଅଘଟଣ,ଜଣେ ମୃତ୍ୟୁ, ଜଣେ ନିଖୋଜ

ପୁରୀ (ସଙ୍କେତ ଖବର): ପୁରୀ ସମୁଦ୍ରରେ ରେ ଆଜି ତିନୋଟି ସ୍ଥାନରେ ଗାଧୋଇବା ସମୟରେ ବୁଡିଗଲେ ପର୍ଯ୍ଯଟକ। ୬ଜଣଙ୍କ ମଧ୍ୟରୁ ଜଣେ ମୃତ୍ଯୁବରଣ କରିଥିବା ବେଳେ ଆଉ ଜଣେ ନିଖୋଜ ଅଛନ୍ତି। ଆଉ ଚାରିଜଣ ସୁରକ୍ଷିତ ଭାବେ ଉଦ୍ଧାର କରାଯାଇଛି। ସୂଚନା ମୁତାବକ ଲାଇଟହାଉସ ନିକଟ ସମୁଦ୍ରରେ ବୁଡିଯାଉଥିବା ବେଳେ ଗୁରୁତର ଅବସ୍ଥାରେ ଉଦ୍ଧାର ହୋଇଥିବା ଜଣେ ପର୍ଯ୍ଯଟକଙ୍କର ମୃତ୍ଯୁ ଘଟିଥିବା ଜଣାପଡିଛି। ପୁରୀ ସଦର ହସପିଟାଲରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ଯୁ ଘଟିଛି । ମୃତ ପର୍ଯ୍ଯଟକ ହେଉଛନ୍ତି ପଶ୍ଚିମବଙ୍ଗର ୧୬ବର୍ଷୀୟ ଅନୁପମ ମଣ୍ଡଳ। ପରିବାର ସହ ସମୁଦ୍ରରେ ଗାଧୋଇବା ସମୟରେ ବୁଡିଯାଇଥିଲେ। ସେହିପରି ଚକ୍ରତୀର୍ଥ ବେଳାଭୂମିରେ ବୁଡିଯାଇଥିବା ଜଣେ ପର୍ଯ୍ଯଟକ ଏବେବି ନିଖୋଜ। ନିଖୋଜ ପର୍ଯ୍ଯଟକ ହେଉଛନ୍ତି ପଶ୍ଚିମବଙ୍ଗର ୨୧ବର୍ଷୀୟ ଯୁବକ ସଂଞ୍ଜୁ ଭଟ୍ଟାଚାର୍ଯ୍ଯ। ଲାଇଫଗାର୍ଡ ଓ ଅଗ୍ନିଶମ ବିଭାଗ କର୍ମଚାରୀଙ୍କ ଦ୍ୱାରା ଉଦ୍ଧାର କାର୍ଯ୍ୟ ଜାରୀ। ସେହିପରି ପୁରୀ ଆସି ସମୁଦ୍ରରେ ଦିଗବାରେଣି ନିକଟରେ ଗାଧୋଇବା ବେଳେ ବୁଡିଯାଉଥିବା ୪ବଙ୍ଗିୟ ପର୍ଯ୍ଯଟକଙ୍କୁ ଉଦ୍ଧାର କଲେ ଲାଇଫଗାର୍ଡ।