ବଜ୍ରବାଣ ତରଫରୁ ସ୍ୱାସ୍ଥ୍ୟ ସେବକଙ୍କୁ ସଂଗ୍ରାମ ସାରଥୀ ସମ୍ମାନ

ବରୀ (ସଙ୍କେତ ଖବର): ବରୀ ବ୍ଲକର କୋଭିଡ ସ୍ୱାସ୍ଥ୍ୟ ସେବା କ୍ଷେତ୍ରରେ ଅଗ୍ରଦୂତ ସାଜିଥିବା କର୍ମକର୍ତ୍ତା ମାନଙ୍କୁ ଓଡିଶାର ଅଗ୍ରଣୀ ସମାଲୋଚନା ମୂଳକ ସାପ୍ତାହିକ ଖବର କାଗଜ ବଜ୍ରବାଣ ତରଫରୁ ଆଜି ବରୀ ବ୍ଲକର ଅଭିମନ୍ୟୁ ବାଲିଆ ଠାରେ ସମ୍ବର୍ଦ୍ଧନା ପ୍ରଦାନ କରାଯାଇଛି । ଆଜି ପୂର୍ବାହ୍ନ ରେ ବଜ୍ରବାଣ ସମାଲୋଚନା ମୂଳକ ଖବରକାଗଜ ତରଫରୁ ଅଭିମନ୍ୟୁ ସାମନ୍ତ ସିଂହାର ମହାବିଦ୍ୟାଳୟ ସଭା ପ୍ରକୋଷ୍ଠରେ ସଂପୂର୍ଣ୍ଣ ନିରାଡମ୍ବର ପୂର୍ଣ୍ଣ ଭାବରେ ସ୍ୱାସ୍ଥ୍ୟସେବା କର୍ମକର୍ତ୍ତାଙ୍କୁ ସଂଗ୍ରାମ ସାରଥୀ ସମ୍ମାନ -୨୦୨୧ ରେ ସମ୍ବର୍ଦ୍ଧିତ କରାଯାଇଥିଲା । ଅଧ୍ୟାପକ ରବିନ୍ଦ୍ର କୁମାର ଦାସଙ୍କ ସଭାପତିତ୍ୱରେ ଆୟୋଜିତ ସମ୍ବର୍ଦ୍ଧନା କାର୍ଯ୍ୟକ୍ରମରେ ସାମ୍ବାଦିକ ବାବାଜୀ ଚରଣ ଜେନା ସମ୍ମାନୀତ ଅତିଥି ଓ ଓଡିଶା ଗ୍ରାମ୍ୟ ବ୍ୟାଙ୍କ ବାଲିଆ ଶାଖା ପରିଚାଳକ ବିଶ୍ୱଜିତ ରଥ ମୁଖ୍ୟ ଅତିଥି ଭାବେ ଯୋଗଦାନ କରି ସମ୍ବର୍ଦ୍ଧିତ ପ୍ରତିଭା ମାନଙ୍କୁ ମାନପତ୍ର ,ଉପଢୈାକନ ଓ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରିଥିଲେ ।

ତେବେ ଅନୁଷ୍ଠାନ ତରଫରୁ ବରୀ ସିଏଚସି ର ବିପିଏମ ମୁକୁନ୍ଦ ଚନ୍ଦ୍ର ନାୟକ, ଏମପିଏଚଡବ୍ଲୁ କରୁଣାକର ଦାସ , ବ୍ରହ୍ମାନନ୍ଦ ମହାଳିକ, ପ୍ରତିଭା ସାମଲ, ପ୍ରିୟ ରଂଜନ ସାହୁ , ଫାର୍ମାସିଷ୍ଟ ସାଗର କୁମାର ଦାସ , ଏଏନଏମ ସ୍ମରଣିକା ଜେନା, ଗାୟତ୍ରୀ ମଲ୍ଲିକ, ମିନାରାଣୀ ଜେନା, ଡି ଇ ଓ ପ୍ରଶାନ୍ତ କୁମାରସାହୁ, ଶଶୀକାନ୍ତ ଜେନା, ଦୀପକ କୁମାର ଦାସଙ୍କୁ ସଂଗ୍ରାମ ସାରଥି ସମ୍ମାନ ୨୦୨୧ ସମ୍ମାନରେ ସମ୍ମାନୀତ କରିଥିଲେ । ବଜ୍ରବାଣ ପରିବାର ତରଫରୁ ପ୍ରତିଷ୍ଠାତା ଶରତ କୁମାର ଜେନା ସଭାକୁ ସଂଚାଳନ କରିଥିବା ବେଳେ, ପ୍ରିତୀ ରଂଜନ ସାହୁ , ସୁରେଶ ଚନ୍ଦ୍ର ରଥ, ସୁକାନ୍ତ କୁମାର ଜେନା ପ୍ରମୁଖ ସମ୍ବର୍ଦ୍ଧନା କାର୍ଯ୍ୟକ୍ରମକୁ ପରିଚାଳନା କରିଥିଲେ ।