ସୁକିନ୍ଦା:ଶିକ୍ଷୟତ୍ରୀ ଙ୍କୁ ଅବସରକାଳୀନ ସମ୍ବର୍ଦ୍ଧନା।

ସୁକିନ୍ଦା(ସଂକେତ ଖବର) ସୁକିନ୍ଦା ପଞ୍ଚାୟତ ଉଚ୍ଚ ବିଦ୍ୟାଳୟ ପିଙ୍ଗଲ ସଭାଗୃହରେ ପିଙ୍ଗଲ କ୍ଲଷ୍ଟର ର ସମସ୍ତ ଶିକ୍ଷକ ଶିକ୍ଷୟିତ୍ରୀ ମାନଙ୍କ ତରଫରୁ ରାଇଟିକର ପ୍ରାଥମିକ ବିଦ୍ୟାଳୟ ରୁ ଅବସର ନେଇଥିବା ସୁନାମଧନ୍ୟ ଶିକ୍ଷକ ଶ୍ରୀଯୁକ୍ତ ସୁଦାମ ଚନ୍ଦ୍ର ମହାନ୍ତି ଏବଂ ମଙ୍ଗରାଜପୁର ସାହି ପ୍ରାଥମିକ ବିଦ୍ୟାଳୟରୁ ଅବସର ନେଇଥିବା ଭାରପ୍ରାପ୍ତ ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ଶୈଳବାଳା ସ୍ୱାଇଁ ଙ୍କୁ ଅବସର କାଳୀନ ସମ୍ବର୍ଦ୍ଧନା ପ୍ରଦାନ କରାଯାଇଥିଲା ।ଉକ୍ତ ସଭାରେ ପିଙ୍ଗଲ କ୍ଲଷ୍ଟର ର ସି ଆର ସି ସି ଶ୍ରୀଯୁକ୍ତ ରବୀନ୍ଦ୍ର କୁମାର ପ୍ରଧାନ ସଭାପତିତ୍ୱ କରିଥିଲେ ।

ମୁଖ୍ୟ ଅତିଥି ଭାବରେ ସୁକିନ୍ଦା ବି ଇ ଓ ଶ୍ରୀଯୁକ୍ତ ବଳରାମ ନାୟକ,ମୁଖ୍ୟ ବକ୍ତା ଭାବେ ଅବସର ପ୍ରାପ୍ତ ପ୍ରଧାନ ଶିକ୍ଷକ ବିଷ୍ଣୁ ଚରଣ ସାହୁ ଏବଂ ସମ୍ମାନିତ ଅତିଥି ଭାବେ ସୁକିନ୍ଦା ର ପୂର୍ବତନ ତଥା ଅବସର ପ୍ରାପ୍ତ ବି ଇ ଓ ଶିବରାମ ସାହୁ ,ଏ ବି ଇ ଓ ଗୋବର୍ଦ୍ଧନ ପ୍ରଧାନ, ଗୟାଧର ପରିଡା,ହୃଷିକେଶ ବେହେରା, ଶ୍ରୀପତି ବାରିକ ,ପ୍ରାଥମିକ ଶିକ୍ଷକ ସଂଘର ସଭାପତି ଶିଶିର ବାରିକ ,ସମ୍ପାଦକ ପ୍ରସନ୍ନ ମିଶ୍ର ଯୋଗ ଦେଇଥିଲେ ।ପିଙ୍ଗଲ ଉଚ୍ଚ ବିଦ୍ୟାଳୟ ର ପଣ୍ଡା ସାର ପରିଚୟ ପ୍ରଦାନ କରିଥିଲେ ,ଉକ୍ତ ଉତ୍ସବ ରେ ସି ଆର ସି ସି ଡ଼ଃ ଦୟାନିଧି ଦାଶ ,ବିପିନ ବିହାରୀ ମଲ୍ଲିକ ,ବିଭୁତି ମଲ୍ଲିକ,ବୁଦ୍ଧିରାମ ତନ୍ତୀ,ନନ୍ଦରାମ ମହାନ୍ତ,ସୁରେଶ ବେହେରା ପ୍ରମୁଖ ଯୋଗଦାନ କରିବା ସହ ସମସ୍ତ ଶିକ୍ଷକ ଶିକ୍ଷୟିତ୍ରୀ ମାନେ ନିଜସ୍ୱ ଅଭିଭାଷଣ ରେ ଉକ୍ତ ଅବସର ପ୍ରାପ୍ତ ଶିକ୍ଷକ ଶିକ୍ଷୟିତ୍ରୀ ଙ୍କର ସୁଗୁଣ ତଥା ଆଦର୍ଶ କୁ ଆଗାମୀ ପିଢ଼ି ମାନଙ୍କର ପଥ ପ୍ରଦର୍ଶସନ ରେ ସହାୟକ ହେବ ବୋଲି ମତବ୍ୟକ୍ତ କରିଥିଲେ ।