ଗିରିଗୋବର୍ଦ୍ଧନ ପୂଜା ପାଈଁ ପ୍ରସ୍ତୁତି ବୈଠକ

0

ଯାଜପୁର (ସଙ୍କେତ ଖବର): ଗିରିଗୋବର୍ଦ୍ଧନ ପୂଜାର ପ୍ରସ୍ତୁତି ବୈଠକ ବଡଚଣା ବ୍ଲକ ଉତ୍କଳ ଯାଦବ ମହାସଭା ତରଫରୁ ଚଣ୍ଡିତଳ ସ୍ଥିତ ଗିରିଗୋବର୍ଦ୍ଧନ ପୂଜା ମଣ୍ଡପରେ ଶିଖରଚଣ୍ଡି ପାହାଡ଼ର ପାଦ ଦେଶରେ ଆସନ୍ତା ନଭେମ୍ବର ୫ ତାରିଖରେ ହେବାକୁ ଥିବା ଗିରିଗୋବର୍ଦ୍ଧନ ପୂଜା ପାଇଁ ପ୍ରସ୍ତୁତି ବୈଠକ ପୂଜା କମିଟି ସଭାପତି କପିଳ ବେହେରାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଏହି ବୈଠକରେ ବଡଚଣା ବ୍ଲକର ୪୩ ଗୋଟି ପଞ୍ଚାୟତର ଯାଦବ ଭାଇ ଓ ଭଉଣୀମାନେ ଯୋଗଦେଇ ଚଳିତ ବର୍ଷ କିପରି ଏହି ପୂଜା ଅନୁଷ୍ଠିତ ହେବ ସେ ବିଷୟରେ ଆଲୋଚନା କରିଥିଲେ । ପୂଜା କମିଟିର ସମ୍ପାଦକ ପ୍ରଫୁଲ୍ଲ ନାୟକ ବିବରଣୀ ପାଠ କରିଥିବା ବେଳେ ବଡଚଣା ବ୍ଲକ ଉତ୍କଳ ଯାଦବ ମହାସଭାର କାର୍ଯ୍ୟକାରି ସଭାପତି ନୀଳମଣି ଦାସ ଯାଦବ ମାନେ ସଂଗଠିତ ହୋଇ କାର୍ଯ୍ୟ କରିବା ପାଇଁ ପରାମର୍ଶ ଦେଇଥିଲେ । ସଭାପତି ଧୁଳେଶ୍ବର ଦାସ ଏହି ବୈଠକରେ ଗତ ୧୨ ତାରିଖରୁ ୨୨ ତାରିଖ ପର୍ଯ୍ୟନ୍ତ ଅନୁଷ୍ଠିତ ହୋଇଥିବା ସାଙ୍ଗଠନିକ ବୈଠକ ଗୁଡିକ ବିଷୟରେ ଆଲୋଚନା କରିବା ସହ ସମସ୍ତ ଜୋନ ଏବଂ ପଞ୍ଚାୟତର ନିର୍ବାଚିତ କର୍ମକର୍ତ୍ତା ମାନେ କିପରି କାର୍ଯ୍ୟ କରିବେ ସେ ବିଷୟରେ ଆଲୋଚନା କରିଥିଲେ ।

ଅନ୍ୟ ମାନଙ୍କ ମଧ୍ୟରେ ବଡଚଣା ବ୍ଲକର ଆତ୍ମାର ଅଧ୍ୟକ୍ଷ ନିରଞ୍ଜନ ସେନାପତି, ଯାଦବନେତା ବିଜୟ ବାରିକ, କୁଳମଣି ଦାସ,ମଦନ ବାରିକ,ଯୁଗଳ ବେହେରା,ଲାଲ୍ ବିହାରୀ ଦାସ,ସଦାନନ୍ଦ ବେହେରା,ଯୋଗେନ୍ଦ୍ର ନାୟକ,କାହ୍ନୁ ଚରଣ ଦାସ,କିଶୋର ଚନ୍ଦ୍ର ପଲେଇ,ଶଙ୍କର୍ଶଣ ପରିଡା,ହରିହର ଦାସ,ଅଜିତ ବେହେରା, ସମ୍ପାଦକ ତପନ କୁମାର ବେହେରା,ମହିଳା ସଭାପତି କନକଲତା ଦାସ, ସମ୍ପାଦିକା ଲକ୍ଷ୍ମୀପ୍ରିୟା ପଲେଇ,ଉପ ସଭାନେତ୍ରୀ ପୁଷ୍ପଲତା ବେହେରା,ଉପ ସଭାପତି ପ୍ରକାଶ ଦାସ, ବଳରାମ ଦାସ,ଯୁବ ସମ୍ପାଦକ ରବିନ୍ଦ୍ର ନାୟକ,ଉପସଭାପତି ସରୋଜ ଦାସ,ଜୋନ ସଭାନେତ୍ରୀ ରିଙ୍କି ଦାସ,ରିଙ୍କୁ ପୃଷ୍ଟି, ବଳରାମ ବେହେରା,ଶଙ୍କର ଦାସ,ନୃସିଂହ ବେହେରା ପ୍ରମୁଖ ଉତ୍କଳ ଯାଦବ ମହାସଭାର ଜୋନ ଓ ପଞ୍ଚାୟତ ସ୍ତରୀୟ କର୍ମକର୍ତ୍ତାଙ୍କ ସହ ଯୁବ,ମହିଳା ଓ ବରିଷ୍ଠ କର୍ମକର୍ତ୍ତା ଉପସ୍ଥିତ ରହି ଆଲୋଚନାରେ ଅଂଶଗ୍ରହଣ କରିଥିଲେ ।ଶେଷରେ ଯୁବ ସଭାପତି ପ୍ରଫୁଲ୍ଲ କୁମାର ଦାସ ଧନ୍ୟବାଦ ଅର୍ପଣ କରିଥିଲେ ।

Leave a Reply

Your email address will not be published. Required fields are marked *

<p>You cannot copy content of this page</p>