ଯାଜପୁର ରେ ଓଡ଼ିଶା ସାମ୍ବାଦିକ ୟୁନିୟନ ର ସୁବର୍ଣ୍ଣ ଜୟନ୍ତୀ ସମାରୋହ
ଯାଜପୁର (ସଂକେତ ଖବର ) : ଯାଜପୁର ଜିଲ୍ଲା ସାମ୍ବାଦିକ ୟୁନିୟନ୍ ସଂଘ ଦ୍ୱାରା ଆୟୋଜିତ ଓଡ଼ିଶା ସାମ୍ବାଦିକ ୟୁନିୟନର ରାଜ୍ୟ କାର୍ଯ୍ୟକାରିଣୀ ବୈଠକ ଓ ସୁବର୍ଣ୍ଣ ଜୟନ୍ତୀ ସମାରୋହ ରବିବାର ଦିନ ମା’ ବିରଜାଙ୍କ ପୀଠ ତଥା ଯାଜପୁର ସହର ମଧ୍ୟସ୍ଥ ଗୌତମ ବୁଦ୍ଧ ସଂସ୍କୃତି ଭବନ ପରିସରରେ ଏକ ବୈର୍ଣ୍ଣାଢ୍ୟ ପରିବେଶ ମଧ୍ୟରେ ଅନୁଷ୍ଠିତ ହୋଇଯାଇଛି । ସୁବର୍ଣ୍ଣ ଜୟନ୍ତୀ ସମାରୋହାରେ ମୁଖ୍ୟବକ୍ତାଭାବେ ରାଜ୍ୟ ସରକାରଙ୍କ ଗଣମାଧ୍ୟମ ଉପଦେଷ୍ଟା ମାନସ ମଙ୍ଗରାଜ ଯୋଗଦେଇ ସାମାଜିକ ଗଣମାଧ୍ୟମ ଉପରେ ଅଙ୍କୁଶ ଲଗାଇବା ପାଇଁ ରାଜ୍ୟ ସରକାର ଖୁବ୍ ଶୀଘ୍ର ନିୟମ ଆଣୁଛନ୍ତି ଏବଂ ସାମ୍ବାଦିକମାନେ ଲକ୍ଷ୍ମଣରେଖା ପାର ନହେବା ପାଇଁ ବକ୍ତବ୍ୟ ମାଧ୍ୟମରେ ପରାମର୍ଶ ଦେଇଥିଲେ । ଅଯଥା ମିଡିଆମାନେ ପ୍ରଚାରକ ନସାଜିବା ପାଇଁ ସତର୍କ କରାଇଥିଲେ । ସାମ୍ବାଦିକଙ୍କ ସୁରକ୍ଷା ପାଇଁ ରାଜ୍ୟ ସରକାର ପ୍ରାଥମିକତା ଦେଉଛନ୍ତି ବୋଲି ଶ୍ରୀ ମଙ୍ଗରାଜ କହିଥିଲେ । ଏହାବ୍ୟତୀତ ରାଜ୍ୟସରକାର ଭାରତ ବର୍ଷରେ ପ୍ରଥମେ ରାଜ୍ୟରେ ସାମ୍ବାଦିକମାନଙ୍କୁ କରୋନା ଯୋଦ୍ଧାଭାବେ ଘୋଷଣା କରି କରୋନାରେ ମୃତ୍ୟୁବରଣ କରିଥିôବା ସାମ୍ବାଦିକମାନଙ୍କୁ ସହାୟତା ରାଶି ପ୍ରଦାନ କରିବା ସହ ଦୁରାରୋଗ କିମ୍ବା ଅକସ୍ମାତ୍ ମୃତ୍ୟୁ ହେଲେ ରାଜ୍ୟ ସରକାର ସାମ୍ବାଦିକମାନଙ୍କୁ ସହାୟତା ସହଯୋଗ କରିଆସୁଛନ୍ତି । ଆଦିବାସୀ ଅଧ୍ୟୁସିତ ଅଂଚଳରେ ରାଜ୍ୟ ସରକାର ସାମ୍ବାଦିକମାନଙ୍କୁ ଅଗ୍ରାଧିକାର ଭାବେ ସାହାର୍ଯ୍ୟ କରୁଛନ୍ତି । ଏତଦ୍ବ୍ୟତୀତ ଓଡ଼ିଶା ସାମ୍ବାଦିକ ୟୁନିୟନ୍ ପକ୍ଷରୁ ଦିଆଯାଇଥିବା ଦାବିଗୁଡିକ ଉପରେ ବକ୍ତବ୍ୟ ରଖି କହିଥିଲେ ସାମ୍ବାଦିକମାନଙ୍କର ବୀମାରାଶି ୨ଲକ୍ଷରୁ ୫ଲକ୍ଷକୁ ବୃଦ୍ଧି କରିବା ଏବଂ ସେଥିରେ ପିତା, ମାତାଙ୍କ ନାମକୁ ଅର୍ନ୍ତଭୂତ କରିବା ଓ ଖୁବ୍ ଶୀଘ୍ର କର୍ତବ୍ୟରତ ସାମ୍ବାଦିକମାନଙ୍କୁ ପେନ୍ସନ୍ ଯୋଗାଇଦେବାକୁ ରାଜ୍ୟ ସରକାର ନିଷ୍ପତି ଗ୍ରହଣ କରିଛନ୍ତି ବୋଲି କହିଥିଲେ । ଏହି ଅବସରରେ ଯାଜପୁର ସାଂସଦ ଶର୍ମିଷ୍ଠା ସେଠୀ ମୁଖ୍ୟବକ୍ତା ଭାବେ ଯୋଗଦେଇ ସମାଜକୁ ଭଲଭାବେ ଗଢିବା ଓ ଆଗାମୀ ପିଢୀପାଇଁ ଦୀଗଦର୍ଶକ ଦେବା ଗଣମାଧ୍ୟମର ଗୁରୁ ଦାୟିତ୍ୱ ରହିଛି ବୋଲି କହିଥିଲେ । ସାମ୍ବାଦିକମାନଙ୍କ ସୁରକ୍ଷା ପାଇଁ ପାର୍ଲାମେଂଟରେ ଚୁକ୍ତି ଉପସ୍ଥାପନ କରି ସାମ୍ବାଦିକଙ୍କ ନାର୍ଯ୍ୟ ଦାବିକୁ କେନ୍ଦ୍ର ସରକାରଙ୍କ ପାଖରେ ପ୍ରସ୍ତାବ ରଖିବେ ବୋଲି ସାଂସଦ ଶ୍ରୀମତୀ ସେଠୀ ବକ୍ତବ୍ୟ ରଖିଥିଲେ । ସତ୍ୱନ୍ତ୍ର ଅତିଥିଭାବେ ଯୋଗଦେଇ ରାଜ୍ୟ ମାନବ ଅଧିକାର କମିଶନ୍ର ସଦସ୍ୟ ଅସିମ ଅମିତାଭ ଦାସ ନିର୍ଭିକ ଓ ନିର୍ଭୟ ଭାବେ କାର୍ଯ୍ୟ କରିବା ପାଇଁ ସାମ୍ବାଦିକମାନଙ୍କ ପାଖରେ ସାହସ ହେଉନାହିଁ । ଯଦି କଲେ ଅକାରଣେ ଆକ୍ରୋଶର ଶିକାର ହେଉଛନ୍ତି ଏବଂ ନିର୍ଭିକ ସାମ୍ବାଦିକଙ୍କୁ ହତ୍ୟା ମଧ୍ୟ କରାଯାଉଛି । ପ୍ରେସ୍ ହେଉଛି ଜାତୀୟ ଜୀବନରେଖା କିନ୍ତୁ ଆଜି ସେଥିରେ ବିଚ୍ୟୁତ ଘଟିଛି । ପ୍ରେସର ସ୍ୱାଧିନତା ଉପରେ ଚାପ ସୃଷ୍ଟି କରାଯାଇ ସାମ୍ବାଦିକମାନଙ୍କୁ ନିର୍ଭୟ ଭାବରେ ଆଜିର ଦିନରେ କାମ କରିବାକୁ ଦିଆଯାଉନଥିବାରୁ ପ୍ରେସର ସ୍ୱାଧିନତା ଧିରେ ଧିରେ ହରାଇବସିଛି ବୋଲି ଶ୍ରୀ ଦାସ କହିଥିଲେ ।
ଓଡ଼ିଶାର ବରିଷ୍ଠ ସାମ୍ବାଦିକ ଅକ୍ଷୟ ସାହୁ ସମାରୋହରେ ଯୋଗଦେଇ ସାମ୍ବାଦିକମାନଙ୍କୁ ବିଭିନ୍ନ ପରାମର୍ଶ ପ୍ରଦାନ କରିଥିଲେ ।ଯାଜପୁରର ପୂର୍ବତନ ପୌରାଧ୍ୟକ୍ଷ ଭବ ପ୍ରସାଦ ଦାସ ସମ୍ମାନୀତ ଅତିଥିଭାବେ ଯୋଗଦେଇ ପ୍ରାକୃତିକ ଦୁର୍ବିପାକ ହେଉ କିମ୍ବା ମହାମାରୀ ହେଉ ଯେତେବେଳେ ସାଧାରଣ ଜନତା ଘର ଭିତରେ ସୁରକ୍ଷାରେ ଥାଏ ସେତେବେଳେ ସାମ୍ବାଦିକଟିଏ ତା ନିଜ ଜୀବନକୁ ବିପନ୍ନ କରି ଖବର ପ୍ରସାରଣ କରି ଜନତାଙ୍କୁ ସତର୍କ ଏବଂ ସଚେତନତା କରାଇଥାଏ । ଆଜିର ଦିନରେ ମୁଁ କାହିଁକି ସାମ୍ବାଦିକଟିଏ ହେଲି, ସାମ୍ବାଦିକମାନେ ମାନସମନ୍ଥନ କରିବାର ଆବଶ୍ୟକତା ରହିଛି ବୋଲି ଶ୍ରୀ ଦାସ ତାଙ୍କ ବକ୍ତବ୍ୟରେ କହିଥିଲେ । ଓଡ଼ିଶା ସାମ୍ବାଦିକ ୟୁନିୟନର ସଭାପତି ତଥା ଜାତୀୟ ପ୍ରେସ କାଉନସିଲର ସଦସ୍ୟ ପ୍ରସନ୍ନ ମହାନ୍ତିଙ୍କ ସଭାପତିତ୍ୱରେ ଅନୁଷ୍ଠିତ ଏହି ସୁବର୍ଣ୍ଣ ଜୟନ୍ତୀ ସମାରୋହରେ ଯାଜପୁର ପାଇଁ ଗର୍ବ ଓ ଗୌରବ ଆଣିଥିବା ଓ ଭାରତ ବର୍ଷକୁ ଦିଗଦର୍ଶନ ଦେଖାଇଥିବା ପଦ୍ମଶ୍ରୀ ପୁରସ୍କୃତ ନନ୍ଦ କିଶୋର ପୃଷ୍ଟିଙ୍କୁ ସମାରୋହରେ ଅତିଥିମାନେ ତାଙ୍କର ଆଶିର୍ବାଦ ନେବା ସହ ତାଙ୍କୁ ସମ୍ବର୍ଦ୍ଧିତ କରିଥିଲେ । ଜୟନ୍ତୀ ସମାରୋହରେ କୀର୍ତିମାନ ସୃଷ୍ଟି କରିଥିବା ବିସ୍ମୟ ବାଳକ ଦେଢ ବର୍ଷର ଶିଶୁ ଶ୍ରୀମାନ୍ ସାଇ ଦିବ୍ୟାଂଶ ମହାଳିକ, ଅଢେଇ ବର୍ଷର ଶିଶୁ ପ୍ରିୟାଙ୍ଗୀ ନାଥ, ଦୁଇବର୍ଷ ଆଠ ମାସର ଶିଶୁ ବିଏନ୍ କ୍ରିଷ୍ଣା ଦେବାଶିଷଙ୍କୁ ସଂଘ ପକ୍ଷରୁ ସମ୍ବର୍ଦ୍ଧିତ କରିବା ସହ ଉତରୋତର କାମନା କରାଯାଇଥିଲା । ବିଭିନ୍ନ କ୍ଷେତ୍ରରେ କୃତିତ୍ୱ ଅର୍ଜନ କରିଥିବା କର୍ଣ୍ଣାଟ କେଶରୀ ଦାସ, ଡଃ ଗୋପାଳ ଚନ୍ଦ୍ର ମହାପାତ୍ର, ଶଶି ଭୂଷଣ ତ୍ରିପାଠୀ, ରବିନ୍ଦ୍ର ପରିଡା, ଅଧ୍ୟାପିକା ବିନ୍ଦୁରେଖା ମହାପାତ୍ର, ଡଃ ସୁ ପ୍ରକାଶ ଶତପଥୀ, ଆଇନଜୀବି ଦେବାଶିଷ ସାମଲ, ମଂଚ ଅଭିନେତା ସଚ୍ଚି ଦାସ, ଇଂ ସବ୍ୟସାଚୀ ମହାପାତ୍ର, ପରିବେଶବିତ୍ ଗଣ୍ଠି ଜେନା, ଡାଃ ଅଭୟ ପତି, ଯାଜପୁର ଥାନାର ଭାରପ୍ରାପ୍ତ ଅଧିକାରୀ ମାନସ ଚକ୍ର, ଜନପ୍ରତିନିଧି ସୁଧାଂଶୁ ଶେଖର ଆଚାର୍ଯ୍ୟ, ପ୍ରଣବ କୁମାର ଆଇଚ, ଗୋପାଳ ଚନ୍ଦ୍ର ମିଶ୍ର, ଜତିନ୍ଦ୍ର କୁମାର ରାଉତ, ସୁଶାନ୍ତ କୁମାର ଦାସ, ହିଂମାଶୁ ସାହୁ, ନବ କିଶୋର ବେହେରା, ଶ୍ରୀକାନ୍ତ ସାହୁ, ପ୍ରଭଞ୍ଜନ ପତି ପ୍ରମୁଖଙ୍କୁ ସମ୍ବର୍ଦ୍ଧିତ କରାଯାଇଥିଲା । ଦୁର୍ଘଟଣାରେ ଶିକାର ହୋଇ ମୃତ୍ୟୁ ବରଣ କରିଥିବା ଯାଜପୁର ସହରର ସାମ୍ବାଦିକ ଉତ୍କଳ ଜେନାଙ୍କୁ ମରୋଣତର ଭାବେ ତାଙ୍କ ପରିବାରକୁ ସମ୍ବର୍ଦ୍ଧିତ କରାଯାଇଥିଲା । ରାଜ୍ୟ ସଭାପତି ପ୍ରସନ୍ନ ମହାନ୍ତି ସୁବର୍ଣ୍ଣ ଜୟନ୍ତୀ ସମାରୋହରେ ସାମ୍ବାଦିକମାନଙ୍କ ବିଭିନ୍ନ ସମସ୍ୟା ଉପରେ ଆଲୋକପାତ କରିବା ସହ ସାମ୍ବାଦିକମାନଙ୍କ ବିଭିନ୍ନ ଦାବିକୁ ଉପସ୍ଥାପନ କରିବା ସହ ସରକାର ଗୁରୁତ୍ୱ ଦେବାକୁ ଏକ ଦାବିପତ୍ର ରାଜ୍ୟ ସରକାରଙ୍କ ଗଣମାଧ୍ୟମ ଉପଦେଷ୍ଟା ମାନସ ମଙ୍ଗରାଜଙ୍କୁ ପ୍ରଦାନ କରିଥିଲେ । ଏହି ଅବସରରେ ଜିଲ୍ଲା ସଂଘ ଓ ରାଜ୍ୟ ସଂଘ ପକ୍ଷରୁ ଅତିଥିମାନଙ୍କୁ ପୁଷ୍ପଗୁଚ୍ଛ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା ।
ଏହି ଅବସରରେ ଜିଲ୍ଲାର ବିଭିନ୍ନ ବ୍ଲକରୁ ବିଭିନ୍ନ ସଂଘର ସାମ୍ବାଦିକମାନେ ଓଡ଼ିଶା ସାମ୍ବାଦିକ ୟୁନିୟନରେ ଯୋଗଦାନ କରିଥିଲେ । ରାଜ୍ୟ ଟ୍ରିବ୍ୟୁନାଲ ଅଧ୍ୟକ୍ଷ ରାଜୀବ ମହାନ୍ତି ଓଡ଼ିଶାରେ ଏକାମାତ୍ର ସଂଗଠନ ଓଡ଼ିଶା ସାମ୍ବାଦିକ ୟୁନିୟନ୍ ସାମ୍ବାଦିକମାନଙ୍କ ସୁରକ୍ଷା ଓ ଦାବିକୁ ରାଜ୍ୟ ସରକାରଙ୍କ ପାଖରେ ଉପସ୍ଥାପନ କରିବା ସହ ଆଜି ସାମ୍ବାଦିକମାନେ ଯେଉଁ ସୁବିଧା ସୁଯୋଗ ପାଉଛନ୍ତି ତା’ର ଶ୍ରେୟ ପ୍ରସନ୍ନ ମହାନ୍ତି କହିବା ସହ ସୁରକ୍ଷାର ଘର ଓଡ଼ିଶା ସାମ୍ବାଦିକ ୟୁନିୟନ୍ ବୋଲି କହିଥିଲେ । ରାଜ୍ୟ ସଂଘର ସଂପାଦକ ଅଶୋକ ନନ୍ଦ ରାଜ୍ୟସଂଘର ସଂପାଦକୀୟ ବିବରଣୀ ପାଠ କରିଥିôବା ବେଳେ ଉପସଭାପତି କିଶାନ ରାଉତ ସଂଘକୁ ସୁଦୃଢ କରିବା ପାଇଁ ବିଭିନ୍ନ ପରାମର୍ଶ ଦେଇଥିଲେ । ଜିଲ୍ଲା ସଂଘର ସଭାପତି ଆଦିତ୍ୟ ମେକାପ ଓଡ଼ିଶା ସାମ୍ବାଦିକ ୟୁନିୟନର ସହଯୋଗରେ ଜିଲ୍ଲା ସଂଘର ସମସ୍ତ ସଦସ୍ୟମାନେ ସୁବର୍ଣ୍ଣ ଜୟନ୍ତୀ ସମାରୋହାକୁ ସଫଳଭାବେ ଆୟୋଜନ କରିଥିôବାରୁ କୃତଜ୍ଞତା ଜ୍ଞାପନ କରିଥିଲେ । ରାଜ୍ୟ ସଭାପତି ପ୍ରସନ୍ନ ମହାନ୍ତଙ୍କ ଅନୁଷ୍ଠିତ ଏହି ସଭାରେ ବରିଷ୍ଠ ସାମ୍ବାଦିକ ଜୟନ୍ତ ଗୋସ୍ୱାମୀ ଅତିଥିମାନଙ୍କର ପରିଚୟ ପ୍ରଦାନ କରିଥିବାବେଳେ ଯାଜପୁର ଜିଲ୍ଲା ସାମ୍ବାଦିକ ସଂଘର ସଂପାଦକ ଦେବ ପ୍ରସାଦ ସାହୁ ଧନ୍ୟବାଦ ଅର୍ପଣ କରିଥିଲେ । ଏହି ସମାରୋହରେ ୩୦ ଗୋଟି ଜିଲ୍ଲାର ସାମ୍ବାଦିକମାନେ ଯୋଗଦେଇ ସଭାଟିକୁ ସାଫଲ୍ୟ ମଣ୍ଡିତ କରିଥିଲେ । ସଭାପତି ପ୍ରସନ୍ନ ମହାନ୍ତିଙ୍କୁ ବିଭିନ୍ନ ଜିଲ୍ଲାର ସାମ୍ବାଦିକମାନେ ପୁଷ୍ଣଗୁଚ୍ଛ ଦେଇ ସମ୍ବର୍ଦ୍ଧିତ କରିଥିଲେ । ସମାରୋହ ସଭା ପୂର୍ବରୁ ଗୌତମ ବୁଦ୍ଧ ସଂସ୍କୃତି ଭବନ ପରିସରରେ ରାଜ୍ୟ ସଭାପତି ପ୍ରସନ୍ନ ମହାନ୍ତିଙ୍କ ଅଧ୍ୟକ୍ଷତାରେ ରାଜ୍ୟ କାର୍ଯ୍ୟକାରୀ କମିଟିର ବୈଠକ ଅନୁଷ୍ଠିତ ହେବା ସହ ଗୁରୁତ୍ୱପୂର୍ଣ୍ଣ ବିଷୟ ଉପରେ ଆଲୋଚନା ହୋଇଥିଲା । ଆଗାମୀ ଡିସେମ୍ବର ୨୨ ତାରିଖରେ ଭୂବନେଶ୍ୱରରେ ହେବାକୁ ଥିବା ରାଜ୍ୟ ସୁବର୍ଣ୍ଣ ଜୟନ୍ତୀ ସମାରୋହକୁ ସଫଳ କରିବା ପାଇଁ ସାମ୍ବାଦିକମାନଙ୍କୁ ଆହ୍ୱାନ ଦେଇଥିଲେ । ଏଥିସହ ରାଜ୍ୟରୁ ଜିଲ୍ଲା ପର୍ଯ୍ୟନ୍ତ ସଂଘ ମାନଙ୍କରେ ନିର୍ବାଚନ ପ୍ରକ୍ରିୟାକୁ ସ୍ୱଚ୍ଛତା କରିବା ପାଇଁ ନିର୍ବାଚନ କମିଟି ଗଠନ ହୋଇଥିଲା ।
