ସଦାନନ୍ଦପୁର ଗାଁର କୁମାରୀ ମାନେ ନିଆରା ଢ଼ଙ୍ଗରେ ପାଳିଲେ କୁମାର ପୂର୍ଣ୍ଣିମା
ଯାଜପୁର (ସଙ୍କେତ ଖବର): ପବିତ୍ର କୁମାର ପୂର୍ଣ୍ଣିମା ହେଉଛି କୁମାରୀ ମାନଙ୍କର ଏକ ବିଶେଷ ପର୍ବ । ଏହି ଅବସରରେ ଯାଜପୁର ସଦାନନ୍ଦପୁର ଗାଁରେ ଏହି ପର୍ବକୁ କିଛି ନିଆରା ଢ଼ଙ୍ଗରେ ପାଳନ କରିବାର ପରମ୍ପରା ରହିଛି । କୁମାର ପୂର୍ଣ୍ଣିମା ପୂର୍ବ ରାତ୍ରିରେ ଗାଁ ଅଗଣାରେ କୁମାରୀ ମାନେ କଇଁ ଫୁଲରେ ତିଆରି କରନ୍ତି ବିଭିନ୍ନ ପ୍ରକାରର କୋଠି ।ଆଜିକୁ ଅନେକ ବର୍ଷ ପୂର୍ବରୁ ଏହି କୋଠି ପରମ୍ପରା ଚାଲିଆସୁଛି ଏହି ଗାଁରେ । କେବଳ କଇଁ ପୁଂଲରୁ ପ୍ରସ୍ତୁତ ହୋଇଥିବା ଏହି କୋଠିକୁ ଦେଖିଲେ ଯେ କେହି ମନ୍ତ୍ରମୁଗ୍ଧ ହୋଇଯିବ । ଏହାକୁ ଦେଖିବାକୁ ଜିଲ୍ଲା ତଥା ଜିଲ୍ଲା ବାହାରୁ ଅନେକ ଦର୍ଶକ ଏହାକୁ ଦେଖିବାକୁ ଆସିଥାନ୍ତି । ବିଳମ୍ବିତ ରାତ୍ରୀରେ ଗାଁର ଯୁବକ ମାନେ ପାଳଭୁତ ବେଶରେ ଆସି କୁମାରୀ ମାନଙ୍କୁ ଡରାଇବା ଏହି କୋଠି ପୂଜାର ଅନ୍ୟତମ ଆକର୍ଷଣ ।
କୁମାର ପୂର୍ଣ୍ଣିମା ଆସିଲେ ସଦାନନ୍ଦପୁର ଗାଁ ହୋଇ ଉଠେ ଚଳଚଂଚଳ । ସାତ ଦିନ ପୂର୍ବରୁ ପ୍ରତ୍ୟେକ ନିଜ ନିଜ ଚଉଁରା ମୁଳେ ତିଆରି କରିଥାନ୍ତି କଇଁପୁଂଲର କୋଠି ।ଆଉ କୁମାର ପୂର୍ଣ୍ଣିମାର ଠିକ ପୂର୍ବରାତ୍ରିରେ କୁମାରୀ ମାନେ ଗାଁର ଅଗଣାରେ ତିଆରି କରିଥାନ୍ତି ବିରାଟ ବିରାଟ କୋଠି ।କୌଣସି ରଂଗ କିମ୍ବା କାଳିରେ ନୁହେଁ କେବଳ କଇଁ ପୁଂଲରେ ତିଆରି କରିଥାନ୍ତି ଏହି କୋଠି ।ବର୍ଷ ବର୍ଷ ଧରି ଏହି କୋଠି ପୂଜା ପରମ୍ପରା ଚାଲିଆସୁଛି ଏହି ଗାଁରେ । କୋଠିପୂଜା କଲେ ଚନ୍ଦ୍ର ଓ କଇଁପୁଂଲର ସଂପର୍କ ଯେମିତି ସେମିତି ଜଣେ ମନର ମଣିଷ ମିଳିବା ସହିତ ସେମାନଙ୍କ ମଧ୍ୟରେ ଉତ୍ତମ ସଂପର୍କ ସୃଷ୍ଟି ହୋଇଥିବ ବୋଲି ଗାଁର ଯୁବତୀ ମାନେ ବିଶ୍ୱାସ କରିଥାନ୍ତି ।
ସଦାନନ୍ଦପୁର ଗାଁରେ ଚାଲିଆସିଥିବା ଏହି କୋଠି ପୂଜା ପରମ୍ପରା କୁ ସ୍ୱର୍ଗତ ସପନେଶ୍ୱର ମହାନ୍ତି ଆରମ୍ଭ କରିଥିଲେ । କବି ସମ୍ରାଟ ଉପେନ୍ଦ୍ରଭଂଜଙ୍କ ଦ୍ୱାରା ଲିଖିତ ପୁସ୍ତକ “ଚିତ୍ରକାବ୍ୟ ବନ୍ଧୋଦ୍ୱୟ”ରେ ଅଂକାଯାଇଥାଏ । ଯେଉଁଥିରେ ଅନେକ ପୌରାଣିକ କଥାବସ୍ତୁକୁ କଇଁପୁଂଲ ମାଧ୍ୟମରେ ଅଙ୍କାଯାଇଥାଏ । ଧିରେ ଧିରେ ଏହି କୋଠି ପରମ୍ପରା ଅନ୍ୟ ଗାଁକୁ ବ୍ୟାପୁଥିବା ମଧ୍ୟ ଲକ୍ଷ୍ୟ କରାଗଲାଣି । ଏହି କୋଠି ଆଙ୍କିବା ପାଇଁ ପରିବାର ର ସମସ୍ତ ସଦସ୍ୟ ସାମିଲ ହୋଇଥାନ୍ତି । ଯୁବତୀ ମାନେ କୋଠିପୂଜା କରିବା ପରେ ବୃନ୍ଦାବତୀଙ୍କ ନିକଟରେ କୁମାରୀ ମାନେ ମୁଡି ଓ ନଡିଆ ଭୋଗ କରିବା ସହିତ ରାତି ତମାମ ନାଚ ଓ ଗୀତରେ ମସଗୁଲ ହୋଇଥାନ୍ତି ।
ସଦାନନ୍ଦପୁରରେ ଏହି କୋଠି ତିଆରି ପାଇଁ ପୂର୍ବରୁ କେବଳ କଇଁପୁଂଲର ବ୍ୟବହାର ହେଉଥିଲା । କିନ୍ତୁ କ୍ରମଶଃ ଏହାକୁ ଅଧିକ ଆକର୍ଷିତ କରିବା ପାଇଁ ବିଭିନ୍ନ ରଂଗ ର ମଧ୍ୟ ବ୍ୟବହାର କରାଯାଉଛି ।
