କୁରୁକ୍ଷେତ୍ର ମହାସମର :ଦିନ-୧୬
ରଣଭୂମିରେ ଅଙ୍ଗରାଜ କର୍ଣ୍ଣ ଯୁଦ୍ଧର ନୀୟମ ଆଧାରରେ ସୂର୍ଯ୍ୟାସ୍ତ ଯୋଗୁ ଅର୍ଜୁନକୁ ହତ୍ୟା କରିବାର ସୁଯୋଗ ଥାଇ ମଧ୍ୟ ଛାଡିଦିଅନ୍ତି । ଉଭୟ ପକ୍ଷରୁ ଯୁଦ୍ଧନୀତି ଉଲଂଘନର ଅନେକ ନଜିର ଥିଲେବି କର୍ଣ୍ଣ କିନ୍ତୁ ତାହା କରନ୍ତି ନାହିଁ। ପରାଜୟର ଗ୍ଳାନୀରେ ଭାଙ୍ଗି ପଡନ୍ତି ପାର୍ଥ । ନିରବରେ ଚିନ୍ତାଗ୍ରସ୍ତ ପାର୍ଥଙ୍କୁ ଦେଖି ଶ୍ରୀକୃଷ୍ଣ ପଚାରନ୍ତି କିଛି ସମସ୍ୟା ହୋଇଛିକି ? ମନର ବ୍ୟଥାକୁ ପ୍ରକାଶ କରିବାକୁ ଯାଇ ଅର୍ଜୁନ କହନ୍ତି ମୁଁ ଅଙ୍ଗରାଜ କର୍ଣ୍ଣର ଉପକାରରେ ବଞ୍ଚିବାକୁ ଚାହେଁନା ।
ଯାହାସହ ଯୁଦ୍ଧପାଇଁ ଜୀବନସାରା ଅପେକ୍ଷା କରିଥିଲି ଶେଷରେ ମୋତେ ତାହାରି ଦୟାରେ ବଞ୍ଚିବାକୁ ପଡିବ ଏକଥା କହିବା ବେଳେ ଅର୍ଜୁନ ବେଶ୍ ଉତ୍ତେଜିତ ଥିବାର ମନେହୁଏ । ଶ୍ରୀକୃଷ୍ଣ ସହଜ ଭାବରେ ଅର୍ଜୁନକୁ ବୁଝାନ୍ତି ହେ ପାର୍ଥ ଭୁଲିଗଲକି ଗୁରୁ ଆଶ୍ରମରେ ଶିକ୍ଷା ଗ୍ରହଣ ବେଳର ପକ୍ଷୀର ଆଖିକୁ ଲକ୍ଷ କଥା । ଏବେବି ସମୟ ଅଛି ଅତିତକୁ ଭୁଲି ଆସନ୍ତାକାଲି ପାଇଁ ଚିନ୍ତାକର । କେବଳ ତୁମର ଲକ୍ଷ କର୍ଣ୍ଣ ହେବା ଦରକାର । ଯୁଦ୍ଧଭୂମିରେ ୯୮ ପୁତ୍ରଙ୍କୁ ହରାଇ ଗାନ୍ଧାରୀ ଖୁବ୍ ଭାଙ୍ଗି ପଡିଥାନ୍ତି ।
କଥା ପ୍ରସଙ୍ଗରେ କହନ୍ତି ହେ କୁନ୍ତି ତୁ ସତରେ ଭାଗ୍ୟବତୀ । ଆଜି ସୂର୍ଯ୍ୟ ଦେବତାଙ୍କ ଆର୍ଶିବାଦରୁ ଅର୍ଜୁନର ପ୍ରାଣ ବଞ୍ଚିଗଲା । କର୍ଣ୍ଣ ସୁଯୋଗ ଥାଇ ଅର୍ଜୁନକୁ ଜୀବନରେ ଛାଡି ଦେବାକୁ ସହଜରେ ନେଇପାରନ୍ତି ନାହିଁ ବନ୍ଧୁ ଦୁର୍ଯୋଧନ ଆଉ ମାମା ଶକୁନୀ । କୌରବ ସେନାପତି ହୋଇ ଏଭଳି ସୁଯୋଗ କେମିତି ହାତଛଡା କଲ ଏହାର ଜଵାବରେ କର୍ଣ୍ଣ କହନ୍ତି ହେ ସଖା ମୁଁ କୌଣସି ପରିସ୍ଥିତିରେ ପିତାମହ ଭୀଷ୍ମଙ୍କ ଦ୍ବାରା ତିଆରି ହୋଇଥିବା ଯୁଦ୍ଧନୀତିକୁ ଉଲଂଘନ କରିପାରିବି ନାହିଁ ନାଁ ତୁମପାଇଁ ନାଁ ମୋ ପାଇଁ ।
ଷୋଢଶ ଦିନର ସୂର୍ଯ୍ୟ ଉଦୟ ପରେ ଅଙ୍ଗରାଜ କର୍ଣ୍ଣଙ୍କ ରଥରେ ସାରଥୀ ଭୂମିକାରେ ମାଦ୍ରୀ ନରେଶ ଶଲ୍ୟ। କିଛି ସମୟ ପରେ ଦେଖାଯାଏ ଭୀମସେନଙ୍କ ସହ ଦୁଃଶାସନର ତୁମୁଳ ଗଦାଯୁଦ୍ଧ । ପାଞ୍ଚାଳୀକୁ କୁରୁସଭାରେ ଅପଦସ୍ତ କରିବା ସମୟର ପ୍ରତିଜ୍ଞାକୁ ମନେପକାଇ ଭୀମ ପ୍ରହାର ପରେ ପ୍ରହାର କରିଚାଲନ୍ତି ଦୁଃଶାସନକୁ । ଶେଷରେ ଯେଉଁ ହାତରେ ପାଞ୍ଚାଳୀର କେଶକୁ ଭିଡି କୁରୁସଭାକୁ ଆଣିଥିଲା ତାହାକୁ ଶରୀରରୁ ଅଲଗା କରିଦିଅନ୍ତି ଭୀମ । ଛାତି ଚିରି ତାର ଲହୁ ପିଇବା ସହ ପାଞ୍ଚାଳୀର କେଶ ପ୍ରକ୍ଷାଳନ ପାଇଁ ନେଇ ପହଞ୍ଚନ୍ତି ଶିବିରରେ ।
ପାଞ୍ଚାଳୀ ଦୁଃଶାସନର ଲହୁରେ କେଶ ପ୍ରକ୍ଷାଳନ କରି ପାଆନ୍ତି ଅପୁରଣୀୟ ଆନନ୍ଦ। ସେପଟେ ସଞ୍ଜୟ ମାଧ୍ୟମରେ ଦୁଃଶାସନର ମୃତ୍ୟୁ ଖବର ଶୁଣି ଖୁବ୍ ବିବ୍ରତ ହୋଇପଡନ୍ତି ନେତ୍ରହୀନ ଧୃତରାଷ୍ଟ୍ର । ଏହା ହତ୍ୟା ନୁହେଁ ବରଂ ବର୍ବରତା ବୋଲି କହିବା ସହ ଭୀମକୁ ସେ ଛିଡିବେ ନାହିଁ। ଦୁଃଶାସନର ହତ୍ୟାପରେ ମ୍ରିୟମାଣ ଦୁର୍ଯୋଧନ କାନ୍ଦି କାନ୍ଦି ରଣଭୂମିରେ ଲୋଟିଯାଆନ୍ତି । ଏଭଳି ସ୍ଥିତିକୁ ଅନୁଭବ କରି ଅଶ୍ବଥମା ଦୁର୍ଯ୍ୟୋଧନକୁ ପାଣ୍ଡବଙ୍କ ସହ ସନ୍ଧୀ ପ୍ରସ୍ତାବ ଦିଅନ୍ତି ହେଲେ ତାହା କୌଣସି ପରିସ୍ଥିତିରେ ବି ସମ୍ଭବ ନୁହେଁ ବୋଲି କହନ୍ତି ଅହଂକାରୀ ଦୁର୍ଯୋଧନ ।
ଗୋଟିଏ ପରେ ଗୋଟିଏ କରି ୯୯ ଭାଇଙ୍କୁ ହରାଇ ପୁରାପୁରି ଭାଙ୍ଗି ପଡିଥିବା ଦୁର୍ଯୋଧନ କର୍ଣ୍ଣଙ୍କୁ କେବଳ ପାଣ୍ଡବଙ୍କ ଶବ ଦରକାର ବୋଲି ଚିତ୍କାର କରି କହନ୍ତି । ଯୁଦ୍ଧର ଏ ଘନଘଟା ମଧ୍ୟରେ ଅନେକ ରଥୀ ମହାରଥୀ ବୀରଗତିପ୍ରାପ୍ତ ହୋଇ ଚାଲିଥିବା ବେଳେ ଏବେ ସମସ୍ତଙ୍କ ନଜର ଆଗକୁ….
ବିରଂଚି ନାରାୟଣ ଦାସ
(ଦୂରଦର୍ଶନରେ ପ୍ରସାରିତ ମହାଭାରତ ଧାରାବାହିକ ପୃଷ୍ଠାରୁ)
