ଯାଜପୁର ଜିଲ୍ଲା ମିଳିତ କ୍ରିୟାନୁଷ୍ଠାନ କମିଟିର ସାଙ୍ଗଠନିକ ବୈଠକ ଓ କର୍ମକର୍ତ୍ତା ଚୟନ
ଯାଜପୁର (ସଙ୍କେତ ଖବର): ଯାଜପୁର ଜିଲ୍ଲା ମିଳିତ କ୍ରିୟାନୁଷ୍ଠାନ କମିଟିର ସାଙ୍ଗଠନିକ ବୈଠକ ଓ କର୍ମକର୍ତ୍ତା ଚୟନ ଅନୁଷ୍ଠିତ ହୋଇଯାଇଛି ।ଏହି ଅବସରରେ କୁଆଖିଆ ବଜାର ସ୍ଥିତ ଚିତ୍ତ ବିନୋଦନ କେନ୍ଦ୍ର ରେ ଆୟୋଜିତ ବୈଠକରେ ଜିଲ୍ଲା ଦଳିତ ନେତା ତଥା ସମାଜସେବୀ ଗୟାଧର ମଲିକ ଅଧ୍ୟକ୍ଷତା କରିଥିଲେ । ଏହି କମିଟି ଜିଲ୍ଲାର ବିଭିନ୍ନ ସମସ୍ୟା ସମ୍ପର୍କରେ ସମାଧାନ ଦିଗରେ କାର୍ଯ୍ୟ କରିବାକୁ ନିଷ୍ପତ୍ତି ନେଇ ଏକ ସ୍ଥାୟୀ କମିଟି ଗଠନ କରାଯାଇଥିଲା । ଏହି କମିଟି ରେ ସଭାପତି ଭାବରେ ଗୟାଧର ମଲିକ, କାର୍ଯ୍ୟକାରୀ ସଭାପତି ଶଶୀକାନ୍ତ ମଲିକ, ଉପସଭାପତି ସୁବ୍ରତ ମଲିକ, ସ°ପାଦକ କୈଳାସ ଚନ୍ଦ୍ର ମଲିକ, ସହ ସମ୍ପାଦକ ମାଗୁଣି ଜେନା,ଜିଲ୍ଲା ସା°ଗଠନିକ ସମ୍ପାଦକ ଦୁଷ୍ମନ୍ତ ଜେନା ଓ କୋଷାଧ୍ୟକ୍ଷ ଦୁଷ୍ମନ୍ତ ମଲିକ ଙ୍କୁ ମନୋନୀତ କରାଯାଇଥିଲା ।ଏଥି ସହିତ ନବ ନିର୍ବାଚିତ ସଭାପତି ଙ୍କ ଅନୁମୋଦନ କ୍ରମେ ବ୍ଲକ ସା°ଗଠନିକ କାର୍ଯ୍ୟକର୍ତ୍ତା ଭାବେ ରସୁଲପୁର ବ୍ଲକ ସଭାପତି- ପୂର୍ବତନ ସରପଞ୍ଚ ରବି ମଲିକ , ଧର୍ମଶାଳା ବ୍ଲକ ସଭାପତି- ଅଭିମନ୍ୟୁ ମଲିକ, ବଡଚଣା ବ୍ଲକ ସଭାପତି ପରମେଶ୍ବର ଜେନା,କୋରେଇ ବ୍ଲକ ସଭାପତି ସୋମନାଥ ଜେନା ଓ ଯାଜପୁର ବ୍ଲକ ସଭାପତି କ୍ଷୀରୋଦ ମଲିକ ଙ୍କୁ ମନୋନୀତ କରାଯାଇ ଅବଶିଷ୍ଟ ୬ ଗୋଟି ବ୍ଲକ ସଭାପତି ନିଯୁକ୍ତି ନିମନ୍ତେ ପରବର୍ତ୍ତୀ ବୈଠକରେ ନିଷ୍ପତ୍ତି ନିଆଯିବା ପାଇଁ ନିଷ୍ପତ୍ତି ହୋଇଥିଲା । ଏହି ନବନିର୍ବାଚିତ କର୍ମକର୍ତ୍ତା ଙ୍କୁ ଉପସ୍ଥିତ ସଦସ୍ୟ ମାନେ ପୁଷ୍ପ ମାଲ୍ୟ ଦେଇ ସମ୍ବର୍ଦ୍ଧିତ କରିଥିଲେ । ଶେଷରେ କମିଟି ର ସଦସ୍ୟ ନାରାୟଣ ମଲିକ ଧନ୍ୟବାଦ ଅର୍ପଣ କରିଥିଲେ ।ଏହି କାର୍ଯ୍ୟକ୍ରମ କୁ ସ°ଗଠନର ସଦସ୍ୟ ଗୟାଧର ମଲିକ, ଅଭିମନ୍ୟୁ ମଲିକ,ମଦନ ମଲିକ, ଚନ୍ଦନ ମଲିକ, ସାଧୁ ମଲିକ, ଦେବାଶିଷ ମଲିକ, ଅଶୋକ ମଲିକ ପ୍ରମୁଖ ପରିଚାଳନା କରିଥିଲେ ।ଏହି ବୈଠକରେ ଜିଲ୍ଲାର ଵହୁ ସଦସ୍ୟ ମାନେ ଯୋଗ ଦେଇ ଆଲୋଚନା ରେ ଅ°ଶ ଗ୍ରହଣ କରିଥିଲେ ।
