ସୁକିନ୍ଦାରେ ଶ୍ରୀଜଗନ୍ନାଥ ବନ ପ୍ରକଳ୍ପ ପାଇଁ ବ୍ୟାପକ ବୃକ୍ଷରୋପଣ

0

ସୁକିନ୍ଦା ବନ ବିଭାଗ ଏବଂ ସୁକିନ୍ଦା ପ୍ରେସକ୍ଲବର ମିଳିତ ସହଯୋଗରେ ଆଜି ଶ୍ରୀଜଗନ୍ନାଥ ବନ ପ୍ରକଳ୍ପର ଶୁଭାରମ୍ଭ କରାଯାଇଛି । ସୁକିନ୍ଦା ବିଧାୟକ ଇଂ ପ୍ରୀତିରଂଜନ ଘଡାଇ ଶ୍ରୀଜଗନ୍ନାଥ ବନ ପ୍ରକଳ୍ପ କାର୍ଯ୍ୟକ୍ରମରେ ମୂଖ୍ୟଅତିଥି ଓ ସୁକିନ୍ଦା ରାଜା ଭୂଦେବ ଭୁପତି ହରିଚନ୍ଦନ ମହାପାତ୍ର ସମ୍ମାନୀତ ଅତିଥି ଭାବେ ଯୋଗ ଦେଇ ବ୍ୟାପକ ବୃକ୍ଷରୋପଣ କାର୍ଯ୍ୟକ୍ରମର ଶୂଭାରମ୍ଭ କରିଥିଲେ । ୫ଶହ ବର୍ଷର ବହୁ ପୁରାତନ ସୁକିନ୍ଦା ଜଗନ୍ନାଥ ମନ୍ଦିର ଓ ରଥଯାତ୍ରା ପାଇଁ ପ୍ରତ୍ୟେକ ବର୍ଷ ରଥ ନିର୍ମାଣରେ ବ୍ୟାପକ କାଠର ଆବଶ୍ୟକତା ପଡିଥାଏ ।ସୁକିନ୍ଦା ଦେବୋତ୍ତର ଦାୟୀତ୍ୱରେ ଥିବା ସୁକିନ୍ଦା ତହସିଲଦାରଙ୍କ ସମେତ ଦେବୋତ୍ତର କମିଟିିର ସଦସ୍ୟ ମାନେ ଆବଶ୍ୟକ ପଡୁଥିବା କାଠ ପାଇଁ ବନ ବିଭାଗ ଉପରେ ନିର୍ଭର କରିଥାନ୍ତି । ଆବଶ୍ୟକତା ଅନୁଯାଇ କାଠ ନମିଳିଲେ ମଧ୍ୟ ବନ ବିଭାଗ ସହଯୋଗରେ ସଂଗ୍ରହ ହେଉଥିବା କାଠ ପାଇଁ ବହୁ ଅସୁବିଧାର ସମ୍ମୁଖୀନ ହେବାକୁ ପଡିଥାଏ । ଏହାକୁ ଦୃଷ୍ଟିରେ ରଖି ସୁକିନ୍ଦା ବନ ବିଭାଗ ଅଧିକାରୀ ଓ ଦେବୋତ୍ତର ଅଧିକାରୀଙ୍କ ମଧ୍ୟରେ ସମନ୍ୱୟ ରକ୍ଷା କର ସୁକିନ୍ଦା ପ୍ରେସ କ୍ଲବ ଶ୍ରୀଜଗନ୍ନାଥ ବନ ପ୍ରକଳ୍ପର ଆଜି ଶୁଭାରମ୍ଭ କରାଯାଇଛି । ଜାମୁପଶି ମୌଜାର ରାଜସ୍ୱ ବିଭାଗ ଅଧନରେ ଥିବା ୭.୫ଏକର ଜାଗାରେ ପ୍ରାଥମିକ ସ୍ତରରେ ଏହି ପ୍ରକଳ୍ପ ଆରମ୍ଭ କରାଯାଇଛି । ଏହି ପ୍ରକଳ୍ପରେ ଆଜି ଜଗନ୍ନାଥ ମହାପ୍ରଭୂଙ୍କ ରଥ କାର୍ଯ୍ୟରେ ବ୍ୟବହୃତ ହେଉଥିବା ଫାଶି କାଠର ବ୍ୟାପକ ବୃକ୍ଷ ରୋପଣ କରାଯାଇଛି । ପ୍ରାଥମିକ ସ୍ତରରେ ୧୫ ହଜାର ବୃକ୍ଷ ରୋପଣ କରାଯିବା ନିମନ୍ତେ କାର୍ଯ୍ୟାରମ୍ଭ କରାଯାଇଥିବା ବେଳେ ପରିବର୍ତ୍ତର ସମୟରେ ଏହାକୁ ଜିଲ୍ଲା ଖଣିଜ ପାଣ୍ଠିରେ ଅର୍ନ୍ତଭୂକ୍ତ କରାଯାଇ ୧୦ହେକ୍ଟର ପରିମିତ ଜାଗାରେ ବ୍ୟାପକ ବୃକ୍ଷ ରୋପଣ କରାଯିବା ବୋଲି ବିଧାୟକ ଶ୍ରୀ ଘଡାଇ ଏହି କାର୍ଯ୍ୟକ୍ରମ ଅବସରରେ ସୂଚନା ଦେଇଛନ୍ତି । ।

ଆଜିର ଏହି କାର୍ଯ୍ୟକ୍ରମରେ ଅନ୍ୟ ମାନଙ୍କ ମଧ୍ୟରେ ସୁକିନ୍ଦା ବ୍ଲକ ଅଧ୍ୟକ୍ଷା ପଦ୍ମାବତୀ ଜେନା,ଉପାଧ୍ୟକ୍ଷ ଦିବ୍ୟ ରଂଜନ ବରାଳ,୩୯ନଂ. ଜିଲ୍ଲା ପରିଷଦ ଜୋନ ସଭ୍ୟା ସରୋଜିନୀ ରାଜ,ଆମ୍ପୋଳବା ସରପଂଚ ବବି ବେହେରା,ପୁର୍ବତନ ତହସିଲଦାର ନବକୃଷ୍ଣ ଜେନାପ୍ରମୁଖ ମଂଚାସୀନ ଅତିଥି ଭାବରେ ଉପସ୍ଥିତ ରହିବା ସହିତ ବୃକ୍ଷ ରୋପଣ କରିଥିଲେ ।ବନବିଭାଗ ସହକାରୀ ବନ ସଂରକ୍ଷକ ସୌଭାଗ୍ୟ କୁମାର ସାହୁଙ୍କ ପ୍ରତ୍ୟକ୍ଷ ତତ୍ୱାବଧାନରେ ଅନୁଷ୍ଠିତ ଏହି କାର୍ଯ୍ୟକ୍ରମକୁ ସୁକିନ୍ଦା ପ୍ରେସ କ୍ଲବର ସଭାପତି ବିଶ୍ୱଜିତ ନାୟକ ପରିଚାଳନା କରିଥିଲେ ।ସୁକିନ୍ଦା ପ୍ରେସ କ୍ଲବର ଏହି ପଦକ୍ଷେପକୁ ବିଧାୟକ ଶ୍ରୀଘଡାଇ ସ୍ୱାଗତ କରିବା ସହିତ ପ୍ରେସ କ୍ଲବ ସହାୟତାରେ ସୁକିନ୍ଦାର ବିଭିନ୍ନ ସ୍ଥାନରେ ବ୍ୟାପକ ବୃକ୍ଷ ରୋପଣ କରାଯାଇ ପରିବେଶ ସନ୍ତୁଳନ ରକ୍ଷା କରିବା ପାଇଁ ଆହ୍ୱାନ କରିଥିଲେ ।ଆଜିର ଏହି କାର୍ଯ୍ୟକ୍ରମରେ ସୁକିନ୍ଦା ବନପାଳ ନରେଶ କୁମାର ଟୁଡୁ,ବନରକ୍ଷୀ ବିମଳ ବାର୍ଲା,ପ୍ରଶାନ୍ତ ହେମ୍ବ୍ରମ,ସୁକିନ୍ଦା ପ୍ରେସ କ୍ଲବର କାର୍ଯ୍ୟକାରୀ ସଭାପତି ରବିନ୍ଦ୍ର ସାମଲ,ସାଧାରଣ ସଂପାଦକ ନୀଳମାଧବ ନାୟକ,ବିମଳେନ୍ଦୁ ବେହୁରା,ସରୋଜ ନାୟକ,ଅରୁଣ ଚକ୍ରବର୍ତ୍ତୀ,ସତ୍ୟଜିତ ଦାଶ,ବିଶ୍ୱନାଥ ସାହୁ, ଅସିତ ମହାନ୍ତ,କପିଳେନ୍ଦ୍ର ମହାନ୍ତ,ସଂଜିବ ମହାନ୍ତ, ଲମ୍ବୋଧର ଦଳବେହେରା,କୌଳାଶ ନାୟକ,ମନୋଜ ନାୟକ,ବିକାଶ ନାୟକ,ସେଖ ଜହୁର,କୃପାସିନ୍ଧୁ କେଶରୀ,ରୋହିତ ଖୁଣ୍ଟିଆ ପ୍ରମୁଖ ଉପସ୍ଥିତ ରହି ସହାୟତା କରିଥିଲେ ।

Leave a Reply

Your email address will not be published. Required fields are marked *

<p>You cannot copy content of this page</p>