ବନମହୋତ୍ସବ ସପ୍ତାହ ପାଳନ ଅବସରରେ ହେଲପିଙ୍ଗ ହାଣ୍ଡସ ତରଫରୁ ବୃକ୍ଷରୋପଣ
ଯାଜପୁର (ସଙ୍କେତ ଖବର): ବନମହୋତ୍ସବ ସପ୍ତାହ ପାଳନ ଅବସରରେ ହେଲପିଙ୍ଗ ହାଣ୍ଡସ ତରଫରୁ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ତେବେ ଆଜି ପ୍ରତିଷ୍ଠାତା ପ୍ରଶାନ୍ତ ସରଙ୍ଗୀଙ୍କ ନେତୃତ୍ୱ ରେ ଯାଜପୁର ଜିଲ୍ଲାର ମହେଶ୍ୱରପୁର ଗ୍ରାମପଂଚାୟତ ଅନ୍ତର୍ଗତ କଣ୍ଟାବଣିଆ ଠାରେ ପୂର୍ବରୁ ପ୍ରତିଷ୍ଠା କରାଯାଇଥିବା ଇକୋ ଘାଟ ରେ ୫୦ରୁ ଉର୍ଦ୍ଧ ନିମ ଗଛ ସହିତ ଅନ୍ୟାନ୍ୟ ଗଛ ଲଗାଯାଇଛି ।
ଆଗାମୀ ଦିନରେ ଅନ୍ୟ ୬ଗୋଟି ଇକୋ ଘାଟ ରେ ଏହି ଯୋଜନାକୁ କାର୍ଯ୍ୟକାରୀ କରାଯିବାକୁ ସ୍ଥିର କରାଯାଇଛି । ଜଗନ୍ନାଥ ସୋସାଇଟ ୟୁ କେ ,ସୁପର ୩୦ ଗ୍ରୀନ ଓଡିଶା,ସ୍ମାଇଲ ପ୍ଳିଜ ର ଏକ ଲକ୍ଷ ନିମ ଗଛ ଲଗାଇବା ପ୍ରୟାସକୁ ପୂରଣ କରିବା ପାଇଁ ସହଯୋଗର ହାତ ବଢ଼ାଇବା ସହ ଆଗାମୀ ଦିନ ରେ ବହୁତ ସଂଖ୍ୟା ରେ ନିମ ଗଛ ଲଗାଇବାର ଯୋଜନା ରହିଛି । ପରିବେଶକୁ ସୁସ୍ଥ ରଖିବା ପାଇଁ ବ୍ୟାପକ ବୃକ୍ଷରୋପଣ କରିବା ପାଇଁ ସମସ୍ତଙ୍କୁ ଅନୁରୋଧ କରିଥିଲେ । ଏହି କାର୍ଯ୍ୟକ୍ରମ ରେ ପରିବେଶ ବିତ ଧର୍ମେନ୍ଦ୍ର କର ସମସ୍ତ ପ୍ରକାର ସହାୟତା କରିଥିଲେ ।
