ଜାତୀୟ ଜୁନିୟର ରଗବି ଖେଳରେ ଯାଜପୁର ଖେଳାଳୀ ଙ୍କ ସଫଳତା
ଯାଜପୁର(ସଙ୍କେତ ଖବର) ଭାରତୀୟ ରଗବୀ ଫୁଟବଲ୍ ଆସୋସିଏସନ୍ ଦ୍ଵାରା ବିହାରର ପାଟନା ଠାରେ ଆୟୋଜିତ ଜାତୀୟ ରଗବୀ ଫୁଟବଲ୍ ଚାମ୍ପିଅନସିପ ରେ ଓଡ଼ିଶା ବାଳିକା ବିଭାଗରେ ଉପବିଜେତା ହୋଇଥିବା ବେଳେ ବାଳକ ବିଭାଗରେ ୫ ମ ସ୍ଥାନ ଅଧିକାର କରିଛି । ଓଡ଼ିଶା ତରଫରୁ ପ୍ରତିନିଧିତ୍ଵ କରୁଥିବା ଯାଜପୁର ରଗବୀ ଆସୋସିଏସନ୍ ର ଖେଳାଳୀ ସୌମ୍ୟରଞ୍ଜନ ସ୍ୱାଇଁ ଏବଂ ଲିଲିରାଣି ବେହେରାଙ୍କୁ ବିଭିନ୍ନ ମହଲରେ ଶୁଭେଚ୍ଛା ଦିଆଯାଇଛି । ସୌମ୍ୟରଞ୍ଜନ ସ୍ୱାଇଁ ଙ୍କ ଘର ଦଶରଥପୁର ଓଡ଼େଇ ଗ୍ରାମରେ ଏବଂ ସେ ଦଶରଥପୁର ଉଚ୍ଚତର ବିଦ୍ୟାଳୟର ଛାତ୍ର। ସେହିପରି ଲିଲିରାଣୀ ବେହେରା ଙ୍କ ଘର ଭଦ୍ରକ ରାମସରପୁର ଗ୍ରାମରେ।
ସେ ଦଶରଥପୁର ରେ ରହି ଯାଜପୁର ର ରିଜିଓନାଲ୍ କଲେଜ ରେ ପାଠ ପଢୁଛନ୍ତି।। ଜିଲ୍ଲା ର ସଫଳତା ପାଇଁ ବିଭିନ୍ନ ମହଲ ରେ ଖେଳାଳି ମାନଙ୍କୁ ଶୁଭେଚ୍ଛା ମିଳିଛି। ଜିଲ୍ଲା ରଗବି ଆସୋସିଏସନ୍ ର ସଭାପତି ନାରାୟଣ ଚନ୍ଦ୍ର ସାହୁ , ସମ୍ପାଦକ ତଥା ରାଜ୍ୟ ସଂଯୋଜକ ଭରତ ସାହୁ, ଜିଲ୍ଲା କ୍ରୀଡ଼ା ଅଧିକାରୀ ଫକିର ମୋହନ ଟୁଡୁ, ଜିଲ୍ଲା ହକି କୋଚ୍ ଅମୂଲ୍ୟ ବେହେରା, ସମ୍ବଲପୁର ବିଶ୍ୱବିଦ୍ୟାଳୟ ର କ୍ରୀଡ଼ା ଅଧିକାରୀ ଅଭିନାସ୍ କର , ଦଶରଥପୁର ବ୍ଲକ ଆଇଲମ୍ପିକ ଆସୋସିଏସନ୍ ର ସଭାପତି ଚନ୍ଦ୍ରଶେଖର ସାହୁ, ଦଶରଥପୁର ଉଚ୍ଚତର ବିଦ୍ୟାଳୟର ଅଧ୍ୟକ୍ଷ କାହୁଁ ଚରଣ ମିଶ୍ର , ରିଜିଓନାଲ୍ କଲେଜ ଅଧ୍ୟକ୍ଷ, ଜିଲ୍ଲା କିକବକ୍ସିଂ ର ସମ୍ପାଦକ ରଞ୍ଜନ ସୁତାର, ଜିଲ୍ଲା ଡି.ଫା ସମ୍ପାଦକ ପ୍ରବୋଧ ପତ୍ର, ଜିଲ୍ଲା ଆଥେଲେଟିକ ଆସିସିଆସନର ପୂର୍ବତନ ସମ୍ପାଦକ ଦୁର୍ଯ୍ୟୋଧନ ରାଉତ, ଜିଲ୍ଲାର ପ୍ରମୁଖ କ୍ରୀଡ଼ା ସଂଗଠକ ମନରଂଜନ୍ ସିଂ, ମମ୍ ତାଜ୍ ଅଲ୍ଲୀ , ପ୍ରମୋଦ ଦାସ, କୃଷ୍ଣକାନ୍ତ୍ ପଣ୍ଡା , ପ୍ରମୁଖ ଖେଳାଳୀ ମାନଙ୍କୁ ଶୁଭେଚ୍ଛା ଜଣାଇଛନ୍ତି। ଲିଲୀରାଣି ବେହେରା ଭାରତୀୟ ଶିବିର ପାଇଁ ମନୋନୀତ ହୋଇଛନ୍ତି ।
