ସୁକିନ୍ଦା ମାଧପୁରରେ ପାନୀୟ ଜଳଯୋଗାଣ ପ୍ରକଳ୍ପର ଭିତିପ୍ରସ୍ତର ସ୍ଥାପନ କଲେ ବିଧାୟକ

ସୁକିନ୍ଦା(ଦୀପକ ଭଟାଚାର୍ଯ୍ୟ):ଯାଜପୁର ସୁକିନ୍ଦାଗଡ଼ରେ ଦୀର୍ଘ ବର୍ଷ ହେଲା ଦେଖା ଦେଇଥିବା ପାନୀୟ ଜଳ ସମସ୍ୟାର ଏବେ ଦୁର ହେବ ବୋଲି ବିଧାୟକ ପ୍ରୀତିରଂଜନ ଘଡାଇ ଆଜି ଦେଢ଼ ଲକ୍ଷ ଲିଟର କ୍ଷମତା ବିଶିଷ୍ଟ ଏକ ପାନୀୟ ଜଳ ପ୍ରକଳ୍ପର ଭତ୍ତି ପ୍ରସ୍ତର ସ୍ଥାପନ କରି ଏହା ପ୍ରକାଶ କରିଛନ୍ତି ।ସୁକିନ୍ଦାଗଡ ପଂଚାୟତର ମାଧପୁର ଠାରେ ଏଥିପାଇଁ ଆୟୋଜିତ ଏକ କାର୍ଯ୍ୟକ୍ରମରେ ଶ୍ରୀଘଡାଇ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ୧୦ହଜାରରୁ ଉଧ୍ୱର୍ ଲୋକ ସଂଖ୍ୟା ବିଶିଷ୍ଟ ସୁକିନ୍ଦାଗଡ ପଂଚାୟତରେ ପୁର୍ବରୁ ୪ଟି ପାନୀୟ ଜଳ ପ୍ରକଳ୍ପ ଥିଲେ ମଧ୍ୟ ଓଭର ହେଡ୍ ପାଣି ଟାଙ୍କି ଯୋଗେ ପାନୀୟ ଜଳ ଯୋଗାଣ ବ୍ୟବସ୍ଥା ନଥିଲା । ସେହିପରି ସୁକିନ୍ଦାଗଡ଼ ପଂଚାୟତର ନିଜିଗଡ ରାଜସ୍ୱ ମୌଜାର ଅଧିକାଂଶ ସାହିକୁ ପାନୀୟ ଜଳ ଯୋଗାଣ ହୋଇ ପାରୁଥିଲେ ହେଁ ମାଧପୁର ମୌଜାର ଉପର ମୁଣ୍ଡରେ ଥିବା ସାହି ଓ ପଡାଗ୍ରାମକୁ ପାନୀୟ ଜଳ ଯୋଗାଣ ବ୍ୟବସ୍ଥା ହୋଇ ପାରିନଥିଲା । ଏବେ ସାହି ଓ ପଡାଗ୍ରାମ ଗୁଡିକୁ ପାନୀୟ ଜଳ ପ୍ରକଳ୍ପ ଯୋଗଇ ଦିଆ ଯିବ ବୋଲି ବିଧାୟକ ପ୍ରତିଶୃତି ଦେଇଥିଲେ । ସୁକିନ୍ଦା ପଂଚାୟତ ବିଜେଡି ସଭାପତି ବିଶ୍ୱଜିତ ବେହୁରାଙ୍କ ସଭାପତିତ୍ୱରେ ଅନୁଷ୍ଠିତ ଆଜିର ଏହି କାର୍ଯ୍ୟକ୍ରମରେ ମାନଙ୍କ ମଧ୍ୟରେ ସୁକିନ୍ଦା ବ୍ଲକ ଅଧ୍ୟକ୍ଷା ପଦ୍ମାବତୀ ଜେନା,ଉପାଧ୍ୟକ୍ଷ ଦିବ୍ୟ ରଂଜନ ବରାଳ,୩୯ନଂ. ଜିଲ୍ଲା ପରିଷଦ ଜୋନ ସଭ୍ୟା ସରୋଜିନୀ ରାଜ,ପୁର୍ବତନ ବ୍ଲକ ଉପାଧ୍ୟକ୍ଷ ବିବେକାନନ୍ଦ ବୋଷ,ଅମଳେନ୍ଦୁ ବେହୁରା ପ୍ରମୁଖ ଉପସ୍ଥିତ ଥିଲେ ।