ଚଣ୍ଡିଖୋଲ କଲେଜ ଅଡିଟୋରିୟମ ଉଦଘାଟନି ଉତ୍ସବ ରେ ପୂର୍ବତନ ସାଂସଦ ଙ୍କୁ ଅସମ୍ମାନ ,ଦଳୀୟ କାର୍ଯ୍ୟକ୍ରମ କହି ବର୍ଜନ କରି ବିଧାୟକ ଙ୍କ ଉପରେ ବର୍ଷିଲେ ।
ଯାଜପୁର(ସଂକେତ ଖବର) ଚଣ୍ଡିଖୋଲ ବାବା ଭୈରବାନନ୍ଦ ମହାବିଦ୍ୟାଳୟର ନବ-ମାଳତୀ ଅଡିଟୋରିୟମ ଉଦଘାଟନକୁ ନେଇ ଦେଖାଦେଇଛି ବିବାଦ । ଉଦଘାଟନ ଉତ୍ସବରେ ଶାସକ ଦଳର ବିଧାୟକଙ୍କ ହୀନମନ୍ୟତା ଓ ସଂକିର୍ଣ୍ଣ ରାଜନିତୀକୁ ଘୋର ନିନ୍ଦା କରିଛନ୍ତି ପୂର୍ବତନ ସାଂସଦ ମୋହନ ଯେନା । ଗତକାଲି ଏହି ଅଡିଟୋରିୟମ ଉଦଘାଟନ ଉତ୍ସବକୁ ପୂର୍ବତନ ସାଂସଦ ମୋହନ ଯେନାଙ୍କୁ କଲେଜ ପକ୍ଷରୁ ନିମନ୍ତ୍ରଣ କରାଯାଇଥିଲା । ଶ୍ରୀଯୁକ୍ତ ଯେନା କଲେଜରେ ପହଂଚିବା ପରେ ତାଙ୍କୁ ଯଥା ସମ୍ମାନ ମିଳିନଥିଲା ।
ନାଁ କଲେଜ କର୍ତୁପକ୍ଷ ନା ସ୍ଥାନୀୟ ବିଧାୟକ ସୌଜନ୍ୟତା ଭୂଲିଯାଇଥିଲେ । ପୂର୍ବତନ ସାଂସଦ ହିସାବରେ ମୋହନ ଯେନାଙ୍କ ନାଁ କୌଣସି ଠାରେ ଉଲ୍ଲେଖ ନଥିଲା । ଏପରିକି ସମ୍ମାନିତ ଅତିଥିଟିଏ କରିବାକୁ ଉଚିତ ମନେ କରିନଥିଲେ କଲେଜ କର୍ତୁପକ୍ଷ । ଯେଉଁ କଲେଜ ଅଡିଟୋରିୟମ କରିବାକୁ ପୂର୍ବତନ ସାଂସଦ ମୋହନଙ୍କ ମୁଖ୍ୟ ଭୂମିକା ଥିଲା ତାଙ୍କୁ କଲେଜ କର୍ତୁପକ୍ଷ ଅଣଦେଖା ବା ଅସମ୍ମାନିତ କରିଥିବା ଏକ ଭିଡିଓ ଏବେ ସୋସିଆଲ ମିଡିଆରେ ଚର୍ଚ୍ଚା ସାଉଁଟୁଛି । ମୋହନଙ୍କ ଅଭିଯୋଗ ହେଉଛି ଏହି ଅଡିଟୋରିୟମ ର ନାମ କରଣ ସ୍ୱାଧିନତା ସଂଗ୍ରାମୀ ନବକୃଷ୍ଣ ଚୌଧୁରୀ ଏବଂ ମାଳତୀ ଚୌଧୁରୀଙ୍କ ନାମରେ କରିବାକୁ ସେ ପ୍ରସ୍ତାବ ଦେଇଥିଲେ । ତାଙ୍କ ସାଂସଦ ସମୟରେ ସେ ପ୍ରଥମେ ୩୮ ଲକ୍ଷ ଟଙ୍କା ଦେଇ ଭିତିପ୍ରସ୍ତର ସ୍ଥାପନ କରିଥିଲେ । ପରବର୍ତି ସମୟରେ ସାଂସଦ ରିତା ତରାଇ ୧୦ ଲକ୍ଷ ଏବଂ ବର୍ତମାନର ସାଂସଦ ସର୍ମିଷ୍ଠା ସେଠୀ ୨୫ ଲକ୍ଷ ଟଙ୍କା ଦେଇଛନ୍ତି । କିନ୍ତୁ ପଂଟା ପାଉଲିଟିଏ ଦେଇନଥିବା ବଡଚଣା ବିଧାୟକ ଏଠାରେ ସର୍ବେସର୍ବା ସାଜିବା ଘଟଣାକୁ ନାପସନ୍ଦ କରିଛନ୍ତି ପୂର୍ବତନ ସାଂସଦ । କଲେଜ କର୍ତୁପକ୍ଷ ଏବଂ ବଡଚଣା ବିଧାୟକଙ୍କ ଏତାଦୃଶ ବ୍ୟବହାରକୁ ବିରୋଧ କରି ପୂର୍ବତନ ସାଂସଦ କାର୍ଯ୍ୟକ୍ରମକୁ ବର୍ଜନ କରିବା ସହିତ ସମ୍ବର୍ଦ୍ଧନା କୁ ମଧ୍ୟ ପ୍ରତ୍ୟାଖାନ କରିଥିଲେ ।
ଯେଉଁଦିନ ଅଡିଟୋରିୟମରେ ଭିତିପ୍ରସ୍ତର ଲାଗିବ ଏବଂ ତାଙ୍କୁ ଉଚିତ ସମ୍ମାନ ମିିଳିବ ସେ ଦିନ ସେ ସମ୍ବର୍ଦ୍ଧନା ଗ୍ରହଣ କରିବେ ବୋଲି ପ୍ରତିକ୍ରିୟା ଦେଇଛନ୍ତି । ଏଥିସହିତ ବଡଚଣା ରେ ଦୁର୍ନିତିଗ୍ରସ୍ତ ବ୍ୟବସ୍ଥା ଉପରେ ଅଂଗୁଳି ନିର୍ଦ୍ଧେଶ କରିବାକୁ ପଛାଇନାହାଁନ୍ତି ପୂର୍ବତନ ସାଂସଦ ।
ବିନା ପିସିରେ ବଡଚଣାରେ କୌଣସି କାମ ହେଉନଥିବା କହିବା ସହିତ ଅନ୍ୟ ମାନଙ୍କୁ ନିଚା ଦେଖାଇ ଉଚ୍ଚକୁ ଉଠିବାକୁ ଚେଷ୍ଟା କରୁଥିବା ବ୍ୟକ୍ତି କେବେ ସପଂଳ ହେବେ ନାହିଁ କହି ପରୋକ୍ଷରେ ବଡଚଣା ବିଧାୟକଙ୍କୁ କଡା ସମାଲୋଚନା ମଧ୍ୟ କରିଛନ୍ତି । ବଡଚଣା ଏବେ ପଙ୍କ ଗଡିଆ ଦୁର୍ନିତିରେ ଉବୁଟୁବୁ ହେଉଛନ୍ତି ବଡଚଣା ବାସୀ । ଏହାର ଜବାବ ସାଧାରଣ ଲୋକେ ଦେବା ଆବଶ୍ୟକ ବୋଲି ସୋସିଆଲ ମିଡିଆରେ ନିଜର ପ୍ରତିକ୍ରିୟା ଦେଇଛନ୍ତି ।
ଅନ୍ୟପକ୍ଷରେ କଲେଜ କର୍ତୁପକ୍ଷଙ୍କ ଏଭଳି ମନୋଭାବ ଓ କାର୍ଯ୍ୟକଳାପକୁ ଅନେକ ବୁଦ୍ଧିଜିବି ଓ ପୂର୍ବତନ ଛାତ୍ର ସୋସିଆଲ ମିଡିଆରେ ନିନ୍ଦା କରିଛନ୍ତି । କଲେଜର ଅଡିଟୋରିୟମ ଉଦଘାଟନ ଉତ୍ସବକୁ ରାଜନୈତିକ ଉତ୍ସବରେ ପରିଣତ କରି ସ୍ଥାନୀୟ ବିଧାୟକ ନିଜ ହୀନମନ୍ୟତାର ପରିଚୟ ଦେଇଥିବା ପୂର୍ବତନ ଛାତ୍ର ନେତା ଦେବେନ୍ଦ୍ର ନାୟକ କହିଛନ୍ତି । ଯେଉଁମାନଙ୍କ ଉଦ୍ୟମରେ କଲେଜର ଅଡିଟୋରିୟମ ହେବା ସମ୍ଭବ ହେଲା ସେମାନଙ୍କୁ ପ୍ରଥମେ କଲେଜ କର୍ତୁପକ୍ଷ ଧନ୍ୟବାଦ ଦେବା କଥା ବୋଲି ବହୁ ପୂର୍ବତନ ଛାତ୍ର ସୋସିଆଲି ମିଡିଆରେ ମତ ଦେଇଛନ୍ତି ।
ତେବେ ବଡଚଣା ବିଜେଡି ରାଜନିତିରେ ଜନ୍ମେଜୟଙ୍କ ଏଂଟ୍ରି ପରେ ଅମର ଏକ ପ୍ରକାର କୋଣଠେସା ହୋଇପଡିଥିବାରୁ ନିଜର ପରିଚୟ ଓ ପତିଆରା ସୃଷ୍ଟି କରିବା ପାଇଁ ଅନ୍ୟକୁ ନିଚା ଦେଖାଇବା ଉଦ୍ୟମ ଆଗାମୀ ଦିନରେ ମହଂଗା ପଡିବ ନାହିଁ ତ?
