ଲିଫ୍ଟ ଦେଇ ଲୁଟର ଶିକାର ହେଲେ ଯୁବକ

ଧର୍ମଶାଳା (ସଙ୍କେତ ଖବର) : ଧର୍ମଶାଳା ଥାନା ୧୬ନଂ ଜାତୀୟ ରାଜପଥ ନିକଟରୁ ଜଣେ ବ୍ୟକ୍ତିଙ୍କୁ ଅଚେତ ଅବସ୍ଥାରେ ଉଦ୍ଧାର କରାଯାଇଛି । ରାସ୍ତା କଡରେ ଲୋକଟି ଅଚେତ ଅବସ୍ଥାରେ ପଡିଥିବା ଦେଖି ସ୍ଥାନୀୟ ଲୋକେ ଉଦ୍ଧାର କରିଥିଲେ । ପରେ ପୋଲିସକୁ ଖବର ଦେବା ସହ ତାଙ୍କୁ ଡାକ୍ତରଖାନାରେ ଭର୍ତି କରାଯାଇଥିଲା । ଯାଜପୁର ଟାଉନ ମଙ୍ଗଳପୁର ଅଂଚଳର ମୋହନ ମହାନ୍ତି ବୋଲି ତାଙ୍କ ନିକଟରୁ ମିଳିଥୀବା ଏକ ପରିଚୟ ପତ୍ରରୁ ଜଣାପଡିଥିଲା । ସେ ଜଗତପୁର ସ୍ଥିତ ଏକ ଘରୋଇ କଂପାନୀର କର୍ମଚାରୀ ଭାବେ କାର୍ଯ୍ୟ କରନ୍ତି । ତେବେ ଗତକାଲି ସକାଳୁ ନିଜ ବାଇକ ଯୋଗେ ଘରକୁ ଫେରୁଥିବା ସମୟରେ ଛତିଆ ନିକଟରେ ଜଣେ ଲୋକ ତାଙ୍କୁ ଲିଫ୍ଟ ମାଗିଥିଲେ । କିଛି ବାଟ ଆସିବା ପରେ ବାଟରେ ଚା ପିଇଥିଲେ । ତା ପରେ ଆଉ ତାଙ୍କୁ କିଛି ଜଣାପଡିନଥିଲା ବୋଲି ଚେତା ଫେରିବା ପରେ ସୂଚନା ଦେଇଛନ୍ତି । ଚାରେ ନିଶା ଦେଇ ତାଙ୍କ ବାଇକ ସହ ପାଖରେ ଥିବା କିଛି ଟଙ୍କାକୁ ସେହି ବ୍ୟକ୍ତି ଜଣକ ଲୁଟିନେଇଥିବା ସେ ଅଭିଯୋଗ କରିଛନ୍ତି । ଚେତା ଫେରିବା ପରେ ତାଙ୍କୁ ପରିବାର ଲୋକେ ଘରକୁ ନେଇଥୀବା ଜଣାଯାଇଛି । ଅନ୍ୟପକ୍ଷରେ ଅଭିଯୋଗ ପାଇ ପୋଲିସ ଘଟଣାର ତଦନ୍ତ ଜାରି ରଖିଛି ।