ବିପୁଳ ପରିମାଣର ବିଦେଶୀ ମଦ ଜବତ

ଧର୍ମଶାଳା(ସଙ୍କେତ ଖବର) : ଧର୍ମଶାଳା ଥାନା ସୁନ୍ଦୁରିଆ ପୋଲ ନିକଟରୁ ବିପୁଳ ପରିମାଣର ବିଦେଶୀ ମଦ ଜବତ । ଧର୍ମଶାଳା ଥାନା ଅନ୍ତର୍ଗତ କଣ୍ଟିଗଡ଼ିଆ ବିଦେଶୀ ମଦ ଦୋକାନରୁ ଏକ ଅଟୋ OD04J3308ରେ ବିପୁଳ ପରିମାଣର ମଦ ନେଇ ଯାଉଥିବା ବେଳେ ଖବର ପାଇ ଧର୍ମଶାଳା ଥାନା ଅଧିକାରୀ ଚଢ଼ାଉ କରିଥିଲେ । ସୁନ୍ଦୁରିଆ ପୋଲ ନିକଟରେ ଅଟୋ ଗାଡିଟିକୁ ଧରିଥିଲେ । ଗାଡ଼ିରେ ଥିବା ଅନ୍ୟ ଜଣେ ଫେରାର ହୋଇଯାଇଥିବା ବେଳେ ଅଟୋ ଡ୍ରାଇଭରକୁ ଧରିଥିଲେ । ଜବତ ମଦ ୩୦୬ ଲିଟର, ଏହାର ମୂଲ୍ୟ ଲକ୍ଷାଧିକ ଟଙ୍କା ହେବ ବୋଲି ଥାନାଧିକାରୀ ସୋରୋଜ ସାହୁ କହିଛନ୍ତି ଓ ଗିରଫ ହୋଇଥିବା ଅଟୋ ଡ୍ରାଇଭର ଅଭିନ ବୋଲି ଜଣାପଡିଛି । ଧର୍ମଶାଳା ଥାନା ମଦ ଜବତ କରି ଅଧିକ ତଦନ୍ତ ଜାରି ରଖିଛି ।