କାର ସହ ୩ଶହ ଲିଟର ଦେଶୀ ମଦ ଜବତ
ଧର୍ମଶାଳା (ସଙ୍କେତ ଖବର): ଯାଜପୁର ଜିଲ୍ଲା ଧର୍ମଶାଳା ପୋଲିସ ଆଜି ଚଡାଉ କରି କାର ସହ ୩ଶହ ଲିଟର ଦେଶୀ ମଦ ଜବତ କରିଛି । ଏଥିରେ ସମ୍ପୃକ୍ତ ୩ ଜଣଙ୍କୁ ପୋଲିସ ଗିରଫ କରିଛି । ଗିରଫ ୩ ଅଭିଯୁକ୍ତ ହେଲେ ଢେଙ୍କାନାଳ ଜିଲ୍ଲା ଭୁବନ ଥାନା ଅଞ୍ଚଳର ବୋଲି ଜଣାପଡିଛି । ଏମାନେ ସର୍ବଦା ଚୋରାରେ ଦେଶୀ ମଦ ଆଣି ଧର୍ମଶାଳା, ବଡ଼ଚଣା ଓ ବାଲିଚନ୍ଦ୍ରପୁର ଥାନାର ବିଭିନ୍ନ ଅଞ୍ଚଳରେ ବୁଲି ମଦ ବେପାରୀ ମାନଙ୍କୁ ବିକ୍ରି କରିଥାନ୍ତି ।
ପୋଲିସ ଦୀର୍ଘ ଦିନ ହେଲା ଏମାନଙ୍କ ପିଛା କରୁଥିଲା । ତେବେ ଆଜି ଏମାନେ ଏକ କାରରେ ବ୍ଲାଡରରେ ଭର୍ତ୍ତି ଦେଶୀ ମଦ ଆଣି କାଇମା ଅଞ୍ଚଳରେ ବିକ୍ରି କରୁଥିବା ଖବର ପାଇ ପୋଲିସ ସେଠାରେ ପହଞ୍ଚିଥିଲା । କାର ସମେତ ୩୦୦ ଲିଟର ଦେଶୀ ମଦ ଜବତ କରିବା ସହ ଏଥିରେ ସମ୍ପୃକ୍ତ ୩ ଜଣଙ୍କୁ ପୋଲିସ ଗିରଫ କରିଛି ।
