କପଡ଼ା ବ୍ୟବସାୟୀଙ୍କ ଝୁଲନ୍ତା ମୃତ ଦେହ ଉଦ୍ଧାର, ପରିବାର ପକ୍ଷରୁ ହତ୍ୟା ଅଭିଯୋଗ ।

ବଲାଙ୍ଗୀର (ସଙ୍କେତ ଖବର): ତୁରେକେଲା ଥାନା ମହଖଣ୍ଡ ଜଙ୍ଗଲ ପାଖ ରତାଖଣ୍ଡି ଜୋର ନିକଟ ଏକ ଗଛରେ ଜଣେ କପଡ଼ା ବ୍ୟବସାୟୀଙ୍କ ମୃତ ଦେହ ଝୁଲନ୍ତା ଅବସ୍ଥାରେ ଉଦ୍ଧାର ହୋଇଛି । ମୃତକ ଜଣକ ହେଲେ ବଙ୍ଗୋମୁଣ୍ଡା ବ୍ଲକ ବେଳପଡା ଗାଁର କେଶବ ମେହେର । ତୁରେକେଲା ପୋଲିସ ଘଟଣା ସ୍ଥଳରେ ପହଁଚି ତଦନ୍ତ ଆରମ୍ଭ କରିଛି ।
ସୂଚନାଯୋଗ୍ୟ ମୃତ କେଶବ ଜଣେ କପଡା ବ୍ୟବସାୟୀ ହୋଇଥିବା ବେଳେ ଶାନ୍ତ ସ୍ଵଭାଵ ଯୋଗୁ ଅଞ୍ଚଳରେ ବେଶ ପରିଚିୟ । ଗତକାଲି ସନ୍ଧ୍ୟାରୁ ସେ ନିଜ ବାଇକ ଯୋଗେ ଘରୁ ବହାରିଥିଲେ । ରାତି ଘରକୁ ନଫେରିବାରୁ ପରିବାର ଲୋକ ଖୋଜାଖୋଜି କରିଥିଲେ । ସକାଳ ସମୟରେ ଏହି ରାସ୍ତାରେ ଯାଉଥିବା ଜଣେ ଲୋକ ଦେଖି ଖବର ଦେବାରୁ ପରିବାର ଲୋକ ଘଟଣାସ୍ଥଳରେ ପହଁଚି ଶବ ଚିହ୍ନଟ କରିଥିଲେ ।
ତେବେ ପାରିପାଶ୍ୱିର୍କ ସ୍ଥିତିକୁ ଦେଖିଲେ ତାଙ୍କୁ କିଏ ହତ୍ୟା କରି ଗଛରେ ଟାଙ୍ଗୀ ଦେଇଥିବା ସଂଦେହ କରାଯାଉଛି । ବଲାଙ୍ଗୀରରୁ ସାଇଣ୍ଟିଫିକ ଦଳ ଆସି ଅଧିକ ତଦନ୍ତ କରିବେ ବୋଲି ପୋଲିସ ପକ୍ଷରୁ ସୂଚନା ମିଳିଛି । ଅନ୍ୟ ପକ୍ଷରେ ମୃତକଙ୍କ ପୁଅ ତୁରେକେଲା ଥାନାରେ ତାଙ୍କ ବାପାଙ୍କୁ ହତ୍ୟା କରାଯାଇଥିବା ଅଭିଯୋଗ କରିଛନ୍ତି ।